ຫວຽດນາມ ສົ່ງອອກເກີນດຸນ 125 ລ້ານໂດລາ

ຕົວເລກຫຼ້າສຸດທີ່ກົມໃຫຍ່ພາສີປະກາດໄດ້ໃຫ້ເຫັນວ່າໃນເດືອນຕຸລາ 2021 ລວມມູນຄ່າສົ່ງອອກ-ນຳເຂົ້າສິນຄ້າທົ່ວປະເທດບັນລຸ 55 ຕື້ໂດລາສະຫະລັດ, ເພີ່ມຂຶ້ນ 2,4% ເມື່ອທຽບໃສ່ເດືອນທີ່ຜ່ານມາ, ດຸນການຄ້າສ່ວນເກີນບັນລຸ  2,74 ຕື້ໂດລາ.

ຕາມຂ່າວສານຫວຽດນາມລາຍງານວ່າສະເລ່ຍ 10 ເດືອນ ຂອງປີ 2021 ລວມມູນຄ່າສົ່ງອອກຂອງຫວຽດນາມບັນລຸ 269,77 ຕື້ໂດລາ, ໃນຂະນະທີ່ມູນຄ່ານຳເຂົ້າຂອງທັງປະເທດບັນລຸເກືອບ 269,65 ຕື້ໂດລາ, ດຸນການຄ້າສ່ວນເກີນບັນລຸ 125 ຕື້ໂດລາ, ໝາກຜົນນີ້ຖືວ່າແມ່ນສັນຍານຕັ້ງໜ້າຂອງພື້ນຖານເສດຖະກິດຫວຽດນາມ, ສະແດງໃຫ້ເຫັນວ່າການສົ່ງອອກສືບຕໍ່ບັນລຸອັດຕາການເຕີບໂຕທີ່ດີ, ຕາມຕົວເລກຂອງກົມໃຫຍ່ພາສີລະບຸວ່າ ໃນ 10 ເດືອນຕົ້ນປີ 2021, ການແລກ ປ່ຽນການຄ້າສິນຄ້າຂອງຫວຽດນາມກັບອາຊີບັນລຸສູງກວ່າ 349 ຕື້ໂດລາ, ສືບຕໍ່ກວມເອົາອັດຕາສ່ວນສູງສຸດໃນມູນຄ່າສົ່ງອອກ-ນຳເຂົ້າຂອງທົ່ວປະເທດ, ຕໍ່ຈາກນັ້ນແມ່ນທະວີບອາເມລິກາ, ເອີຣົບ, ໂອເຊຍເນຍ, ອາຟະຣິກາ.

ບັນດາສິນຄ້າສົ່ງອອກທີ່ເພີ່ມຂຶ້ນຄືອຸປະກອນເຄື່ອງຈັກ, ເຄື່ອງມື, ສິ້ນສ່ວນອາໄຫຼ່ຕ່າງໆ, ເຫຼັກເຄື່ອງຄອມພິວເຕີ, ຜະລິດຕະພັນເຄື່ອງເອເລັກໂຕນິກ, ໂທລະສັບທຸກ ຊະນິດ ແລະເຄື່ອງອາໄຫຼ່.

แชร์