ຫຼວງນໍ້າທາ ໄດ້ຮັບເງິນຊ່ວຍເຫຼືອຕ້ານການລະບາດໂຄວິດ

ຂ່າວ: ມຸນຕີ ໄຊຍະສິດທິວົງ

  ວັນທີ 16 ພະຈິກ 2021 ທ່ານ ອ່ອນຈັນ ຄຳພາວົງ ຮອງເຈົ້າແຂວງໆຫຼວງນໍ້າທາໄດ້ຮັບເງິນຊ່ວຍເຫຼືອຈຳນວນ 20 ລ້ານກີບ ຈາກທ່ານ ຄຳຜາຍ ໄຊພະຈັນ ອຳນວຍການບໍລິສັດ ໄຊພະຈັນ ກໍ່ສ້າງ, ຂົວທາງ ແລະເຄຫາສະຖານຈຳກັດຜູ້ດຽວເພື່ອນຳໃຊ້ເຂົ້າໃນການປ້ອງກັນ, ຄວບຄຸມ ແລະຕ້ານການລະບາດຂອງພະຍາດໂຄວິດ-19 ພາຍໃນແຂວງ.

ໂອກາດນີ້, ທ່ານ ອ່ອນຈັນ ຄຳພາວົງ ສະແດງຄວາມຂອບໃຈມາຍັງ ທ່ານ ຄຳຜາຍ ໄຊພະຈັນ ອຳນວຍການບໍລິສັດໄຊພະຈັນກໍ່ສ້າງ, ຂົວທາງ ແລະເຄຫາສະຖານຈຳກັດຜູ້ດຽວທີ່ເຫັນໄດ້ຄວາມສຳຄັນໃນວຽກງານປ້ອງກັນ ແລະສະກັດກັ້ນການລະບາດຂອງພະຍາດດັ່ງກ່າວ ແລະມອບເງິນຊ່ວຍເຫຼືອໃນຄັ້ງນີ້, ພ້ອມທັງຢືນຢັນວ່າຈະໝູນໃຊ້ເງິນທີ່ໄດ້ຮັບໃນຄັ້ງນີ້ໃຫ້ຖືກຕ້ອງຕາມເປົ້າໝາຍເພື່ອຮັບປະກັນເຮັດໃຫ້ວຽກງານປ້ອງກັນພະຍາດໂຄວິດ-19 ພາຍໃນແຂວງຫຼວງນໍ້າທາໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ.

แชร์