ຕົ້ນດອກນໍ ມີສັບພະຄຸນຫຼາຍຢ່າງ

ຮຽບຮຽງໂດຍ: ຟ້າ

   ຕົ້ນດອກນໍ ຈັດເປັນພັນໄມ້ຢືນຕົ້ນຂະໜາດກາງ, ສູງ 10-15 ແມັດ, ແຕກກິ່ງກ້ານແຜ່ກວ້າງ, ເປືອກລໍາຕົ້ນເປັນສີເທົາອົມນໍ້າຕານຫາດໍາ, ເປືອກເນື້ອໄມ້ເປັນສີນໍ້າຕານປົນແດງ, ຂະຫຍາຍພັນດ້ວຍການໃຊ້ແກ່ນ ແລະການຕອນກິ່ງ, ມີໃບເປັນດ່ຽວອອກລຽງກົງກັນຂ້າມສະລັບຕັ້ງສາກຊຶ່ງໝາກສຸກສາມາດຮັບປະທານເປັນໝາກໄມ້ໄດ້. ນອກຈາກໃຊ້ ຮັບປະທານເປັນໝາກໄດ້ແລ້ວຍັງສາມາດນໍາໄປແປຮູບເປັນຜະລິດຕະຜັນຕ່າງໆໄດ້ເຊັ່ນ: ເຮັດນໍ້າໝາກໄມ້, ເຮັດວາຍ, ເຮັດແຍມເປັນຕົ້ນ: ດອກສົດນໍາໄປສະກັດ ເປັນນໍາມັນຫອມລະເຫຍ ແລະສາມາດປູກເປັນໄມ້ປະດັບ, ໄວ້ບັງລົມ ແລະປູກໄວ້ເພື່ອເປັນສິລິມຸງຄຸນ.

ນອກຈາກນັ້ນໝາກມີກິ່ນຫອມເຢັນ, ສ່ວນໝາກມີລົດຫວານຊ່ວຍບໍາລຸງຫົວໃຈ, ຊ່ວຍຂະຫຍາຍຫຼອດເລືອດ, ດອກໃຊ້ເປັນຢາຊູກໍາລັງ, ບໍາລຸງກໍາລັງ, ຢາງໄມ້ນໍາມາໃຊ້ແກ້ອາການແພ້ຄັນຈາກພິດຂອງຕົ້ນໝາມຸ່ຍ ຫຼືຈາກນໍ້າລາຍຂອງຫອຍບາງຊະນິດ ແລະໃບຊ່ວຍບັນເທົາອາການປວດຕາມຂໍ້ໄດ້ອີກດ້ວຍ.

แชร์