ບັນດາແຜນເພື່ອກອບກູ້ທຸລະກິດສູ່ເປົ້າໝາຍ

ຂ່າວ: ຣັດສະໝີ ດວງສັດຈະ

  ສະມາຄົມການເງິນຈຸລະພາກ (ສມກຈ) ຮ່ວມກັບພາກສ່ວນກ່ຽວຂ້ອງໄດ້ດໍາເນີນການຝຶກອົບຮົມທາງໄກຜ່ານ Zoom ໂດຍພາຍໃຕ້ຄວາມຮັບຜິດຊອບຂອງທ່ານ ນາງ ປະມວນ ເພັດທານີ ຜູ້ອໍານວຍການ ສກມຈ ແລະມີທ່ານນາງ Anjali Patel ອົງການແຮງງານສາກົນ (ILO) ຊຶ່ງໄດ້ດໍາເນີນລະຫວ່າງວັນທີ 08-12 ພະຈິກ 2021 ແລະມີຜູ້ປະກອບການຈຸລະວິສາຫະກິດ, ວິສາຫະກິດຂະໜາດນອ້ຍ ແລະກາງ (MSMEs)ໃນ ທົ່ວປະເທດເຂົ້າຮ່ວມຫຼາຍກ່ວາ 50 ຄົນ.

   ການຝຶກອົບຮົມຄັ້ງນີ້ມີພາກສະເໜີແຜນທຸລະກິດທີ່ສະເໜີໂດຍລວມກ່ຽວກັບແຜນທຸລະກິດ; ແຜນການຕະຫຼາດແຜນດໍາເນີນງານ; ແຜນການຄຸ້ມຄອງບໍລິຫານ  ແລະສະເໜີແຜນການເງິນ. ກ່ຽວກັບການວາງແຜນການເງິນ, ການວາງແຜນການເງິນຍອດເງິນສົດ ແລະຊັບສິນ; ແຜນການລົງທຶນ ແລະແຜນການເງິນ; ການຄາດຄະເນການຂາຍ; ການວາງແຜນການເງິນ; ການຄາດຄະເນລາຍຈ່າຍ; ພ້ອມນັ້ນ, ກ່ຽວກັບການບັນຊີວິສາຫະກິດຂະຫນາດນ້ອຍ ແລະກາງ; ການສັງລວມແລະກະກຽມເອກະສານການເຄື່ອນໄຫວບັນຊີ; ການບັນທຶກບັນຊີຕາມຮອບວຽນທຸລະກິດ; ການບັນທຶກບັນຊີຕາມຮອບວຽນທຸລະກິດ; ການບັນທຶກບັນຊີຕາມຮອບວຽນທຸລະກິດ; ເອກະສານລາຍງານເງິນ; ທົບທວນກະກຽມທຸລະກິດເພື່ອໂຄດສ໌ໃນມື້ທີ 4 ແລະ 5.

   ປະຈຸບັນບັນຫາແຫຼ່ງທຶນພວມເປັນທີ່ສົນໃຈຂອງສັງຄົມໂດຍສະເພາະໃນໄລຍະທີ່ມີການລະບາດຂອງພະຍາດໂຄວິດ-19 ເຮັດໃຫ້ປະຊາຊົນກໍ່ຄືບັນດາຜູ້ປະກອບການໃນການຜະລິດພາກກະສິກໍາ; MSMEs ພົບຄວາມຫຍຸ້ງຍາກ; ສະນັ້ນ, ລັດຖະບານກໍ່ຄືກອງທຶນສົ່ງເສີມວິສາຫະກິດ SME (ທສວ) ແລະພາກສ່ວນກ່ຽວຂ້ອງມີຄວາມພະຍາຍາມເພື່ອໃຫ້ສັງຄົມໄດ້ເຂົ້າເຖິງແຫຼ່ງທຶນດອກເບ້ຍຕໍ່າ, ໄລຍະຍາວດ້ວຍຫຼາຍຮູບແບບໂຄງການສົ່ງເສີມສິນເຊື່ອແກ້ໄຂຜົນກະທົບພະຍາດດັ່ງກ່າວ ແລະສະຖາບັນການການເງິນອື່ນໆໃຫ້ການບໍລິການລູກຄ້າໃນຜ່ານມາ.

    ທ່ານ ສາສິລິພົງ ຮັກສາການຫົວໜ້າກົມສົ່ງເສີມ SME ໄດ້ກ່າວວ່າ: ປີນີ້ກອງທຶນສົ່ງເສີມວິສາຫະກິດ SME ໄດ້ຮັບ100 ຕື້ ແລະ ມີ 4-5 ທະນາຄານທີ່ຢູ່ໃນໂຄງການເງິນກູ້ສົ່ງເສີມວິສາຫະກິດ SME; ແຕ່ຈັ່ງໃດກໍ່ຕາມຜູ້ປະກອບການທີ່ຕ້ອງການເຂົ້າເຖິງແຫຼ່ງທຶນດັ່ງກ່າວຂອງລັດຖະບານທີ່ມີດອກເບ້ຍຕໍ່າ 3%/ປີ ເພື່ອສົ່ງໃຫ້ທະນາຄານແຕ່ກ່ອນຈະຮັບແຫຼ່ງທຶນກໍ່ຕ້ອງໄດ້ຜ່ານການຝຶກອົບອົມຮົມທີ່ເປັນເງື່ອນໄຂຄົບຖ້ວນຊຶ່ງເປັນການຊີ້ແນະແນວທາງເພື່ອໃຫ້ທຸລະກິດຢູ່ລອດ, ມີຜົນກໍາໄລ; ໃນຂະນະທີ່ມີການລະບາດພະຍາດໂຄວິດ-19; ອົງການແຮງງານສາກົນ (ILO) ກໍ່ໄດ້ໃຫ້ການສະໜັບສະໜູນໃນການຝຶກອົບຮົມເພື່ອສ້າງຄວາມເຂັ້ມແຂງໃຫ້ແກ່ MSMEs.

แชร์