ສະມາຄົມຈີນ ປາກເຊ ປະກອບສ່ວນຕ້ານໂຄວິດ

ຂ່າວ:  ໂພທິລາດ

  ສະມາຄົມຈີນ ປາກເຊ ທີ່ເປັນອີກອົງກອນໜຶ່ງທີ່ໄດ້ເອົາໃຈໃສ່ ແລະໃຫ້ການຊ່ວຍເຫຼືອທາງດ້ານທຶນຮອນ ແລະ ອຸປະກອນຮັບໃຊ້ເຂົ້າໃນວຽກງານຕ້ານ ແລະສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ໃນຂັ້ນແຂວງ ແລະຂັ້ນສູງກາງ.

 ທ່ານ ຄໍາສຸກຈະເລີນ ພິມມະວົງສາ ຮອງປະທານສະມາຄົມຈີນ ປາກເຊ ທັງເປັນຜູ້ຊີ້ນໍາວຽກງານສະມາຄົມຈີນ ໄດ້ໃຫ້ສໍາພາດຕໍ່ນັກຂ່າວໜັງສືພິມເສດຖະກິດ-ສັງຄົມ ປະຈໍາແຂວງຈໍາປາສັກ ໃຫ້ຮູ້ວ່າ: ສະມາຄົມຈີນ ປາກເຊ ແຂວງຈໍາປາສັກ ເປັນໜ່ວຍງານອົງກອນໜຶ່ງທີ່ມີຈຸດສຸມເຕົ້າໂຮມຊາວຈີນທັງພາຍໃນ ແລະຕ່າງປະເທດທີ່ເຂົ້າມາທໍາການຄ້າຂາຍ, ເຮັດທຸລະກິດຢູ່ແຂວງໃຫ້ຖືກຕ້ອງຕາມລະບຽບກົດໝາຍ ແລະສ້າງ ໃຫ້ມີຄວາມສາມັກຄີເປັນປຶກແຜ່ນ, ຊຶ່ງສະມາຄົມໄດ້ມີການກໍ່ສ້າງມາເປັນເວລາດົນນັ້ນ ແລະໄດ້ມີການພັດທະນາກໍ່ສ້າງໂຮງຮຽນຈີນ ຫົວສ້ຽວ ປາກເຊ, ສ້າງວັດຈີນ, ສຸສານສົບເຊ ແລະໃນອະນາຄົດຈະສ້າງວິທະຍາໄລຈີນເພື່ອໃຫ້ລູກຫຼານສາມາດສຶກສາພາສາຈີນຢູ່ພາຍໃນໄດ້.

 ທ່ານຮອງປະທານສະມາຄົມໃຫ້ຮູ້ຕື່ມອີກວ່າ: ຕະຫຼອດໄລຍະເວລາ 2-3 ປີຜ່ານມານີ້ທີ່ມີການແຜ່ລະບາດຂອງເຊື້ອພະຍາດໂຄວິດ-19 ທາງສະມາຄົມແມ່ນໄດ້ເອົາໃຈໃສເຂົ້າໃນວຽກງານດັ່ງກ່າວຢ່າງເຂັ້ມງວດ ແລະ ທັງໄດ້ໃຫ້ການຊ່ວຍເຫລືອເງີນແກ່ຂັ້ນສູງກາງ ຈໍານວນ 30 ພັນໂດລາສະຫະລັດ, ຊ່ວຍເຫຼືອແຂວງຈໍາປາສັກ 250 ລ້ານກີບ, ນະຄອນປາກເຊ 10 ລ້ານກີບ, ນອກຈາກນີ້ຍັງໄດ້ມີການປຸກລະດົມຊາວຈີນທັງພາຍໃນແລະຕ່າງປະເທດເພື່ອເຂົ້າມາຊ່ວຍເຫຼືອດ້ານອຸປະກອນການແພດໃຫ້ແກ່ໂຮງໝໍແຂວງຈໍາປາສັກເປັນຈໍານວນຫຼວງຫຼາຍ.

แชร์