Meta ສົ່ງເສີມທຸລະກິດໃນລາວຜ່ານແຄມເປນ “ສ້າງທຸລະກິດຂອງທ່ານກັບ Facebook”

  ເພື່ອເປັນການສົ່ງເສີມທຸລະກິດຂະໜາດນ້ອຍ ແລະກາງໃນປະເທດໃນຊ່ວງການແຜ່ລະບາດຂອງພະຍາດໂຄວິດ-19 ແລະຜັກດັນເສດຖະກິດດິຈີຕອນຂອງປະເທດລາວ, ໃນວັນທີ 16 ພະຈິກ 2021 ທີ່ ບໍລິສັດຟ້າໃຫຍ່ມີເດຍໄດ້ຈັດງານສໍາມະນາກ່ຽວກັບ Facebook ຈາກ Meta ເປີດໂຕແຄມເປນ “ສ້າງທຸລະກິດຂອງທ່ານກັບ Facebook” ຊຶ່ງໄດ້ຮ່ວມມືກັບສື່ມວນຊົນ ແລະນັກສ້າງເນື້ອຫາພາຍໃນປະເທດເພື່ອແບ່ງປັນຂໍ້ມູນຄວາມນິຍົມຂອງສື່ສັງຄົມອອນລາຍເນື່ອງຈາກວ່າເສດຖະກິດໃນພາກພື້ນອາຊີຕາເວັນອອກສ່ຽງໃຕ້ໄດ້ຄ່ອຍໆກັບມາເປີດໂຕອີກເທື່ອໜຶ່ງ ແລະກໍເປັນການເນັ້ນເຖິງເຄື່ອງມືຕ່າງໆຂອງແອັບ Facebook ໃນການຊ່ວຍໃຫ້ຜູ້ປະກອບການຄົນລາວສາມາດສ້າງຄວາມເຕີບໂຕທາງທຸລະກິດອອນລາຍ.


ທ່ານ ອານັນທີລັກ Reseller Partner lead ປະຈຳພາກພື້ນອາຊີ-ປາຊີຟິກຂອງ Meta ໄດ້ກ່າວວ່າ: “ການລະບາດຂອງພະຍາດໃນຄັ້ງນີ້ໄດ້ສ້າງຄວາມທ້າທາຍໃຫ້ແກ່ທຸກໆທຸລະກິດໃນທົ່ວໂລກ ແລະຫັນປ່ຽນທຸກຄົນເຂົ້າສູ່ລະບົບດິຈີຕອນເພາະວ່າຫຼາຍໆ ທຸລະກິດກໍຈໍາເປັນຕ້ອງໄດ້ດິ້ນລົນເພື່ອຄວາມຢູ່ລອດເນື່ອງຈາກທຸລະກິດກຳລັງປະເຊີນກັບຂໍ້ຈຳກັດຫຼາຍໆຢ່າງ, ດັ່ງນັ້ນ Meta ໄດ້ເຫັນເຖິງວິທີການໃໝ່ໆທີ່ສ້າງສັນຊຶ່ງທຸລະກິດຕ່າງໆໃນທົ່ວໂລກລວມເຖິງປະເທດລາວຕ້ອງໄດ້ປັບປ່ຽນເພື່ອໄປສູ່ການດຳລົງຊີວິດປົກກະຕິແບບໃໝ່”.


ອີງຕາມບົດຄົ້ນຄວ້າຂອງບໍລິສັດ Meta ຮ່ວມກັບ Deloitte ເຫັນວ່າການຄ້າຂາຍໃນລະດັບຄົວເຮືອນແບບອອນລາຍ ແລະໝວດໝູ່ການຂາຍເຄື່ອງຍ່ອຍໄດ້ມີການເພີ່ມຂຶ້ນເຖິງ 20-30% ແລະຜົນກະທົບຈາກການຄ້າຂາຍອອນລາຍໃນຂົງເຂດຕະຫຼາດທີ່ກຳລັງພັດທະນາແມ່ນໄດ້ເພີ່ມຂຶ້ນສູງເມື່ອທຽບກັບຕະຫຼາດທີ່ພັດທະນາແລ້ວ. ນອກນີ້ “ຜູ້ຄົນເກືອບ 50% ໄດ້ຮູ້ວ່າການຊື້ຂາຍທາງອອນລາຍ ໄດ້ເພີ່ມຂຶ້ນນັບຕັ້ງແຕ່ເລີ່ມມີການລະບາດຂອງພະຍາດໂດຍລູກຄ້າໄດ້ມີການສົນທະນາເລື່ອງທຸລະກິດຜ່ານ Facebook ຫຼາຍກວ່າເມື່ອກ່ອນ ແລະຄົນຫຼາຍກວ່າ 1,6 ພັນລ້ານຄົນທົ່ວໂລກໃນ Facebook ໄດ້ມີການເຊື່ອມຕໍ່ກັບທຸລະກິດຂະໜາດນ້ອຍຊຶ່ງເຮັດໃຫ້ເຈົ້າຂອງທຸລະກິດຂະໜາດນ້ອຍໄດ້ພົບພໍ້ກັບລູກຄ້າເຖິງແມ່ນວ່າພວກເຂົາຈະຢູ່ໃນຮ້ານ ຫຼືໂທລະສັບມືຖືກໍເຮັດໃຫ້ພວກເຂົາໝັ້ນໃຈວ່າຜູ້ຊື້ຈະເຫັນທຸລະກິດຂອງພວກເຂົາທາງອອນລາຍໄດ້ຢ່າງງ່າຍດາຍ.” ຂໍ້ມູນເຫຼົ່ານີ້ສະທ້ອນໃຫ້ Meta ລົງທຶນຢ່າງຕໍ່ເນື່ອງໂດຍໄດ້ສ້າງໃຫ້ມີການຄ້າຂາຍອອນລາຍຊຶ່ງສາມາດຊ່ວຍຟື້ນຟູພາກທຸລະກິດໃຫ້ສາມາດຢູ່ໄດ້ເຖິງແມ່ນວ່າຈະຢຸ່ໃນໄລຍະການລະບາດຂອງພະຍາດໂຄວິດ-19 ກໍຕາມ.


ການນຳສະເໜີແຄມເປນສ້າງທຸລະກິດຂອງທ່ານກັບ Facebook ໄປສູ່ຊຸມຊົນຕ່າງໆໃນປະເທດລາວມີຈຸດປະສົງເພື່ອໃຫ້ຄວາມຮູ້ພື້ນຖານດ້ານດິຈີຕອນໂດຍສະເພາະແມ່ນການໃຊ້ເຄື່ອງມືດ້ານທຸລະກິດຂອງແອັບ Facebook ພ້ອມທັງເຄັດລັບໃນການຊ່ວຍຜະລິດຕະພັນຕ່າງໆ ໂດຍການສະໜັບສະໜູນຈາກ Meta ໄດ້ຮັບການຮ່ວມມືຈາກ Httpool ຊຶ່ງເປັນຕົວແທນ (Authorized Reseller) ແລະຜູ້ຊ່ຽວຊານໃນການໃຊ້ Facebook ໃນປະເທດລາວໃຫ້ແນະນຳກ່ຽວກັບຄວາມນິຍົມ ແລະການເພິ່ມທັກສະດ້ານການຕະຫຼາດອອນລາຍ, ລວມເຖິງ InsideLaos ຊຶ່ງເປັນສື່ທ້ອງຖິ່ນໃນການເຜີຍແຜ່ແຄມເປນນີ້ຮ່ວມກັບລາຍການຮອບຮູ້ເລື່ອງ SME ຊຶ່ງເປັນລາຍການທີ່ເນັ້ນເລື່ອງຂອງ SME ແລະຍັງມີເພຈ It’s Awesome ຊຶ່ງເປັນຜູ້ນຳດ້ານການສະເໜີເນື້ອຫາດ້ານ IT ອີກດ້ວຍ.

ທ່ານ ວັນນະເລດ ພິມພະຈັນ, Country Lead-Httpool Laos ໄດ້ແບ່ງປັນເຖິງເຫດຜົນວ່າເປັນຫຍັງຊຸມຊົນທຸລະກິດຂອງປະເທດລາວຄວນຮັບກະແສຄວາມນິຍົມໃນການເຮັດທຸລະກິດອອນລາຍທີ່ເພີ່ມຂຶ້ນ. “ຜູ້ຄົນຫຼາຍພັນລ້ານຄົນໄດ້ຫັນເປັນດິຈີຕອນໃນທົ່ວໂລກແລະຊອກຫາຫົນທາງໃນການເຊື່ອມຕໍ່ກັບທຸລະກິດຫຼືແບຣນທີ່ພວກເຂົາມັກເຊິ່ງນັ້ນແມ່ນສະຖານທີ່ທີ່ການຄ້າຂາຍຈະເລີ່ມຕົ້ນຂຶ້ນໄດ້ເອງ. ການຄ້າຂາຍທາງສື່ສັງຄົມອອນລາຍໄດ້ເພີ່ມຂຶ້ນສູງໃນຂົງເຂດອາຊີຕາເວັນອອກສຽງໃຕ້ເຊິ່ງໄດ້ສະໜອງໂອກາດສຳລັບທຸກໆທຸລະກິດຢ່າງບໍ່ຈຳກັດ. ໃນຖານະທີ່ຍັງເປັນຊ່ວງໄລຍະເລີ່ມຕົ້ນສຳລັບປະເທດລາວ, ການລະບາດຂອງພະຍາດຖືວ່າເປັນເຄື່ອງມືໃນການເລັ່ງໃຫ້ພາກສ່ວນຕ່າງໆເຂົ້າສູ່ດິຈີຕອນໃນໄລຍະຊຸມປີທີ່ຜ່ານມາ. ສະນັ້ນ, ທັກສະດ້ານດິຈີຕອນເພື່ອເຮັດທຸລະກິດຈຶ່ງເປັນກະແຈສຳຄັນສູ່ຄວາມສຳເລັດ.”

ທ່ານ ເກດສະດາ ກຸລະບຸດ ເຈົ້າຂອງເພຈ It’s Awesome ກໍໄດ້ມີສ່ວນຮ່ວມໃນແຄມເປນນີ້ໃນຖານະຜູ້ຊ່ຽວຊານດ້ານເຕັກໂນໂລຊີເພື່ອແບ່ງປັນຂໍ້ມູນກ່ຽວກັບການສ້າງເນື້ອຫາດ້ານດິຈີຕອນ ແລະເຄັດລັບໃນການນໍາໃຊ້ເຄື່ອງມືຕ່າງໆຂອງ Facebook ໃນການດຶງດູດລູກຄ້າ. “ສິ່ງສຳຄັນແມ່ນການສຶກສາວິທີການໃຊ້ງານຂັ້ນພື້ນຖານຂອງເພຈ Facebook ແລະສຶກສາວ່າສິ່ງໃດເໝາະກັບຮ້ານຄ້າຂອງເຮົາທີ່ສຸດ, ພະຍາຍາມສຶກສາກຸ່ມລູກຄ້າແລະພຶດຕິກຳການໃຊ້ງານຂອງພວກເຂົາ. ຜູ້ຄົນສ່ວຍຫຼາຍເຊື່ອມຕໍ່ກັບທຸລະກິດທາງໂທລະສັບມືຖື. ສິ່ງນີ້ຈະເຮັດໃຫ້ເຮົາສາມາດອອກແບບຄອນເທັ້ນແລະຮູບແບບການສື່ສານກັບລູກຄ້າໃຫ້ໜ້າດຶງດູດແລະມີປະສິດຕິພາບ.”

ມາປົດລັອກການເຕີບໂຕທາງທຸລະກິດຂອງທ່ານ ແລະຮຽນຮູ້ເພີ່ມຕື່ມກ່ຽວກັບແຄມເປນ “ສ້າງທຸລະກິດຂອງທ່ານກັບ Facebook” ຕັ້ງແຕ່ວັນທີ 16 ພະຈິກ ຫາ 16 ທັນວາ 2021 ດ້ວຍການຕິດຕາມເພຈ InsideLaos, It’s Awesome ແລະ ລາຍການຮອບຮູ້ເລື່ອງ SME ເທິງ Facebook ແລະຢ່າລືມແຊຣເພຈ Facebook ຂອງທ່ານເພື່ອໂປໂໝດຜະລິດຕະພັນ ແລະການບໍລິການກັບໝູ່ເພື່ອນຂອງທ່ານຜ່ານ Hashtag #ສ້າງທຸລະກິດຂອງທ່ານກັບ Facebook

แชร์