ຖ້ຳແຂ້ວ ທໍາມະຊາດສວຍງາມໜ້າໄປທ່ຽວ

 ປະຈຸບັນບ້ານເຮົາກໍນັບມື້ຫ່າງ ໄກອອກຈາກກິ່ນອາຍທໍາມະຊາດໄປເລື້ອຍໆ ໂດຍສະເພາະໃນບັນດາຕົວ ເມືອງໃຫຍ່ໆ ຫຼື ຖ້າມີທໍາມະຊາດກໍ່ແມ່ນການສ້າງຂຶ້ນເອງດ້ວຍນໍ້າມື ຂອງມະນຸດ ຊຶ່ງມີວັດຖຸອຸປະກອນ ທັນສະໄໝມາເປັນສ່ວນປະກອບ, ເຮັດໃຫ້ການທ່ອງທ່ຽວແບບທໍາມະ ຊາດ ໂດຍແທ້ຈິງບໍ່ໄດ້ຮັບຜົນເທົ່າທີ່ຄວນ, ແຕ່ຍັງດີທີ່ບາງທ້ອງຖິ່ນໃນ ປະເທດເຮົາຍັງມີການອະນຸລັກຮັກ ສາທໍາມະຊາດທີ່ກໍາເນີດເກີດຂຶ້ນເອງໄວ້ໃຫ້ໄດ້ທ່ອງທ່ຽວ ແລະສຶກສາຮຽນຮູ້ດັ່ງຖໍ້າແຂ້ວຖືເປັນສະຖານທີ່ທ່ອງທ່ຽວທາງທໍາມະຊາດ  ອີກແຫ່ງໜຶ່ງ ທີ່ໜ້າສົນໃຈເພາະມີຄວາມສວຍ ງາມ, ອາກາດກໍເຢັນສະບາຍດີ, ມີ ຄວາມໂດດເດັ່ນບໍ່ຄືໃຜ.

ຖ້ຳແຫ່ງນີ້ເປັນຖ້ຳຫີນປູນຢູ່ລຸ່ມ ພູເຂົາຂະໜາດໃຫຍ່ມີຄວາມສວຍສົດງົດງາມໄປດ້ວຍຫີນງອກຫີນຍ້ອຍ, ອາກາດເຢັນດີ, ເໝາະທີ່ສຸດໃນການ ພັກຜ່ອນຢ່ອນໃຈ, ການຍ່າງປ່າ, ຊົມ ຖໍ້າ  ແລະນັ່ງກິນເຂົ້າປ່າກັບຄອບຄົວ, ໝູ່ຄູ່ ຫຼື ຄົນຮັກ ແລະອື່ນໆ. ຖໍ້າແຂ້ວ ຕັ້ງຢູ່ເມືອງໂພນໄຊ ຕັ້ງຢູ່ແຄມນໍ້າປາ ຂົງເຂດບ້ານຫ້ວຍມັນ ຊຶ່ງຫ່າງຈາກ ຕົວເມືອງປະມານ 17 ກິໂລແມັດ.

ຖ້ານັກທ່ອງທ່ຽວທ່ານໃດຫາກ ມີໂອກາດໄດ້ເດີນທາງໄປທາງພາກ ເໜືອ ກໍຄືແຂວງຫຼວງພະບາງ ໂດຍສະເພາະເມືອງໂພນໄຊ  ກໍຢ່າລືມແວ່ ທ່ຽວຊົມກັນໄດ້ ຫຼື ຫາກນັກທ່ອງທ່ຽວທ່ານໃດຕ້ອງການໄປທ່ຽວແບບທໍາມະຊາດສະຖານທີ່ທ່ອງ ທ່ຽວແຫ່ງນີ້ໜ້າຈະຖືກກັບຄວາມ ຕ້ອງການຂອງທ່ານຢ່າງແນ່ນອນ.

 ນສພ ເສດຖະກິດ-ສັງຄົມ

ໂດຍ: ວົງມະນີ

• 15/03/2019