ຫຼວງພະບາງເຊື່ອມຊຶມຄໍາສັ່ງກົມການເມືອງ ແລະມະຕິສະພາແຫ່ງຊາດ

ຂ່າວ: ສີສຸວັນ

   ການນໍາແຂວງຫຼວງພະບາງ ໄດ້ຮັບການເຊື່ອມຊຶມ, ຜັນຂະຫຍາຍຄໍາສັ່ງເລກທີ 01,02 ຂອງກົມການເມືອງສູນກາງພັກ ແລະມະຕິເລກທີ 03,04 ຂອງສະພາແຫ່ງຊາດວ່າດ້ວຍ 2 ວາລະແຫ່ງຊາດ ຊຶ່ງຈັດຂຶ້ນໃນວັນທີ 11 ພະຈິກ 2021 ຢູ່ຫ້ອງວ່າການປົກຄອງແຂວງໂດຍການເປັນປະທານຂອງ ສະຫາຍ ຄໍາຂັນ ຈັນທະວີສຸກກໍາມະການສູນກາງພັກ ເລຂາພັກແຂວງເຈົ້າ ແຂວງຫຼວງພະບາງ, ມີບັນດາສະຫາຍຮອງເລຂາ,  ຫົວໜ້າພະແນກ, ຮອງພະແນກ, ມີຮອງປະທານສະພາ, ກົມກອງ ປກສ, ປກຊ ແລະພາກສ່ວນກ່ຽວຂ້ອງເຂົ້າຮ່ວມ.

   ໃນວາລະ ສະຫາຍ ຄໍາຂັນ ຈັນທະວີສຸກ ກໍາມະການສູນກາງພັກເລຂາພັກແຂວງເຈົ້າແຂວງຫຼວງພະບາງໄດ້ເປັນກຽດເຜີຍແຜ່ຄໍາສັ່ງ ເລກທີ 01/ກມສພ ວ່າດ້ວຍເພີ່ມທະວີການນໍາພາຊີ້ນຳຂອງຄະນະພັກແຕ່ລະຂັ້ນໃນການຈັດຕັ້ງປະຕິບັດມາດຕະການແກ້ໄຂຄວນຫຍຸ້ງຍາກດ້ານເສດຖະກິດ-ການເງິນ ແລະຄໍາສັ່ງເລກທີ02/ກມສພ ວ່າດ້ວຍເພີ່ມທະວີການນໍາພາຊີ້ນຳຂອງຄະນະພັກແຕ່ລະຂັ້ນຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດໂດຍຍົກສູງເອົາໃຈໃສ່ນໍາພາຊີ້ນໍາການຈັດຕັ້ງເຜີຍແຜ່ເນື້ອໃນວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນຢ່າງທົ່ວເຖິງເພື່ອໃຫ້ພະນັກງານ, ສະມາຊິກພັກ ແລະປະຊາຊົນບັນດເຜົ່າ, ທຸກຊັ້ນຄົນຮັບຮູ້, ເຂົ້າໃຈ, ເປັນເອກະພາບສູງຕໍ່ເນື້ອໃນຈິດໃຈຊີ້ນຳ ແລະ ມີຄວາມຕັດສິນໃຈເດັດດ່ຽວຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ຢູ່ປະເທດເຮົາຖືເປັນບັນຫາສໍາຄັນ,  ຈໍາເປັນ ແລະຮີບດ່ວນຂອງຊາດ ທີ່ໄດ້ສະສົມມາຫຼາຍປີໃຫ້ຜ່ອນຄາຍລົງໂດຍໃຫ້ຖືເອົາການແກ້ໄຂບັນຫາດັ່ງກ່າວ ເປັນໜ້າທີ່, ພັນທະ ແລະຄວາມຮັບຜິດຊອບຂອງໝົດທຸກພາກສ່ວນໃນສັງຄົມ, ການແກ້ໄຂບັນຫາເສດຖະກິດ-ການເງິນເປັນໜຶ່ງໃນບັນຫາໃຈກາງຂອງການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກແນໃສ່ສ້າງພື້ນຖານທີ່ເປັນຫົວຈັກແກ່ດຶງການສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະຮອບດ້ານໃນທຸກວຽກງານທີ່ປິ່ນອ້ອມພ້ອມນີ້ຍັງໄດ້ຮັບຟັງການເຜີຍແຜ່ມະຕິ 03/ສພຊ ວ່າດ້ວຍການຮັບຮອງເອົາວາລະແຫ່ງຊາດກ່ຽວກັບການແກ້ໄຂຄວນຫຍຸ້ງຍາກ ດ້ານເສດຖະກິດ-ການເງິນ, ເຜີຍແຜ່ມະຕິ 04/ສພຊ ວ່າດ້ວຍການຮັບຮອງເອົາວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດແຕ່ປີ 2011-2023.

   ພ້ອມນີ້ຍັງໄດ້ຮັບຟັງການເຜີຍແພຄໍາສັ່ງຂອງນາຍົກລັດຖະມົນຕີ ເລກທີ 18/ນຍ, ລົງວັນທີ 16/9/ 2021 ວ່າດ້ວຍການເພີ່ມທະວີການຄຸ້ມຄອງ ແລະຕ້ານຮົ່ວໄຫຼຂອງລາຍຮັບງົບປະມານເເຫງລັດ, ດຳລັດຂອງລັດຖະບານເລກທີ599/ລບ, ລົງວັນທີ 29/9/ 2021 ວ່າດ້ວຍລົດຂອງລັດ, ແນະນຳວິທີຜັນຂະຫຍາຍຮ່າງແຜນແກ້ໄຂຄວາມທຸກຍາກຕິດພັນກັບການພັດທະນາຊົນນະບົດຮອບດ້ານ ປີ 2021-2025 ຂອງແຂວງ, ຮ່າງຄໍາສັ່ງແນະນຳຂອງຄະນະປະຈໍາພັກແຂວງວ່າດ້ວຍການຈັດຕັ້ງປະຕິບັດວຽກງານແກ້ໄຂຄວາມທຸກຍາກຕິດພັນກັບການພັດທະນາຊົນນະບົດຮອບດ້ານ ປີ 2021-2025 ຂອງແຂວງຕື່ມອີກ.

แชร์