ເລີ່ມສ້າງໂຮງຮຽນວັດທະນະທຳຊົນເຜົ່າກອງທັບ

   ວັນທີ 12 ພະຈິກ 2021 ນີ້, ຢູ່ທີ່ສະໂມສອນຫ້ອງວ່າການກະຊວງປ້ອງກັນປະເທດໄດ້ຈັດພິທີເຊັນສັນຍາໂຄງການກໍ່ສ້າງໂຮງຮຽນວັດທະນະທຳຊົນເຜົ່າກອງທັບປະຊາຊົນລາວລະຫວ່າງກົມໃຫຍ່ການເມືອງກອງທັບກັບບໍລິສັດ ແທ໋ງອານ ຈຳກັດຜູ້ດຽວ ( ແມ່ທັບນ້ອຍ ທີ່ 11) ແລະບໍລິສັດ ລາວີນາໂກ 36 ຈໍາກັດຜູ້ດຽວ, ໂດຍການເຂົ້າຮ່ວມຂອງ ທ່ານ ພົນໂທ ທອງລອຍສີລິວົງ ຮອງລັດຖະມົນຕີກະຊວງປ້ອງກັນປະເທດຫົວໜ້າກົມໃຫຍ່ການເມືອງກອງທັບ, ມີທ່ານ ພົນຈັດຕະວາ ຫວຽນ ກວັກຢຸງຜູ້ບັນຊາການແມ່ທັບນ້ອຍທີ 11 ກອງທັບປະຊາຊົນຫວຽດນາມ, ມີຄະນະນໍາກະຊວງປ້ອງກັນປະເທດ, ກົມໃຫຍ່, ຫ້ອງວ່າການກະຊວງ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

   ໂຄງການກໍ່ສ້າງໂຮງຮຽນວັດທະນະທໍາຊົນເຜົ່າກອງທັບປະຊາຊົນລາວນີ້ແມ່ນໂຄງການໜຶ່ງທີ່ລັດຖະບານແຫ່ງ ສສ ຫວຽດນາມ ໃຫ້ທຶນຊ່ວຍເຫຼືອລ້າເພື່ອກໍ່ສ້າງໂຮງຮຽນວັດທະນາທຳຊົນເຜົ່າກອງທັບປະຊາຊົນລາວໂດຍແມ່ນການຮ່ວມມືຂອງ 2 ບໍລິສັດ ກໍ່ຄື: ບໍລິສັດແທ໋ງອານ ຈຳກັດຜູ້ດຽວ ( ແມ່ທັບ ນ້ອຍທີ 11) ແລະບໍລິສັດລາວີນາໂກ 36 ຈໍາກັດຜູ້ດຽວເປັນຜູ້ກໍ່ສ້າງໂຄງການດັ່ງກ່າວ.

 ຕາງໜ້າລົງນາມເຊັນສັນຍາມອບ-ຮັບໂຄງການຂອງທ່ານ ພົນຕີ ສອນທອງ ພົມລາວົງ ຮອງຫົວໜ້າກົມໃຫຍ່ການເມືອງກອງທັບ ແລະທ່ານ ພົນຈັດ ຕະວາ ຫວຽນ ກວັກ ຢຸງ ຜູ້ບັນຊາການ ແມ່ທັບນ້ອຍທີ 11 ກອງທັບປະຊາຊົນຫວຽດນາມ.

แชร์