ແຕ່ງຕັ້ງຄະນະກຳມະການ ປກຊ-ປກສ ແຂວງອຸດົມໄຊ

ຂ່າວ: ແສງອາທິດ

 ພິທີປະກາດແຕ່ງຕັ້ງຄະນະກຳມະການປ້ອງກັນຊາດ-ປ້ອງກັນຄວາມສະຫງົບ ແຂວງອຸດົມໄຊ ໄດ້ຈັດຂຶ້ນໃນວັນທີ 12 ພະຈິກ 2021 ທີ່ຫ້ອງປະຊຸມຫ້ອງວ່າການແຂວງໂດຍການເປັນປະທານຂອງ ສະຫາຍ ພົນຕີ ກົງທອງ ພົງວິຈິດ ກຳມະການສູນກາງພັກຄະນະກຳມະການປກຊ- ປກສ ສູນກາງຮອງລັດຖະມົນຕີກະຊວງປ້ອງ​ກັນ​ຄວາມ​ສະ​ຫງົບ, ມີສະຫາຍ ບຸນຄົງ ຫຼ້າຈຽມພອນ ກຳມະການສຳຮອງສູນກາງພັກເລຂາພັກແຂວງເຈົ້າແຂວງອຸດົມໄຊ, ມີອົງການທີ່ກ່ຽວຂ້ອງເຂົ້າຮ່ວມ.

   ​ໃນພິທີ, ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກວ່າດ້ວຍການແຕ່ງຕັ້ງຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງອຸດົມໄຊຊຶ່ງໄດ້ແຕ່ງຕັ້ງ ສະຫາຍ ບຸນຄົງ ຫຼ້າຈຽມພອນ ກຳມະການສຳຮອງສູນກາງພັກເລຂາພັກແຂວງເຈົ້າ ແຂວງອຸດົມໄຊ ເປັນປະທານກຳມະການປ້ອງກັນຊາດ-ປ້ອງກັນ ຄວາມສະຫງົບແຂວງ, ແຕ່ງຕັ້ງສະຫາຍ ພົນຈັດຕະວາ ຄຳຍິນ ແສງສຸລີ ເປັນຮອງປະທານທັງເປັນຜູ້ປະຈຳການ, ແຕ່ງຕັ້ງ ສະຫາຍ ພັນເອກ ສີວອນ ໄຊຍະວົງ ເປັນຮອງປະທານ, ແຕ່ງຕັ້ງສະຫາຍ ພົນຈັດຕະວາ ໄຊຍະວົງ ໄຊນາມທິລາດ, ສະຫາຍ ສົມຈິດ ປັນຍາສັກ, ສະຫາຍ ນາງ ອຳໄພວອນປັນຍາ ລັກ ແລະສະຫາຍ ພັນເອກ ວົງເພັດ ແກ້ວມະນີ ເປັນກຳມະການ.

• 15/11/2021