ລາຍລະອຽດຜູ້ເສຍຊີວິດໃໝ່ຈາກພະຍາດໂຄວິດ-19 ໃນ ສປປ ລາວ 5 ຄົນ

ຕາມການລາຍງານຂອງຄະນະສະເພາະກິດປະຈຳວັນ

ລາຍລະອຽດຜູ້ເສຍຊີວິດໃໝ່ 05 ຄົນ ມີດັ່ງນີ້:

ຜູ້ທີ 1: ເພດຊາຍ ອາຍຸ 93 ປີ ບ້ານນາອີນ ເມືອງປາກກະດິງ ແຂວງບໍລິຄຳໄຊ

  • - ພະຍາດປະຈໍາຕົວ: ເປັນຫືດຊໍ້າເຮື້ອ ແລະຄວາມດັນເລືອດສູງ
  • - ຜ່ານມາໄດ້ຮັບການສັກຢາວັກຊີນກັນໂຄວິດ-19 ຄົບ
  • - ຄອບຄົວມີສະມາຊິກ ມີ 09 ຄົນ ແມ່ນຕິດເຊື້ອທັງໝົດ
  • - ວັນທີ 6 ພະຈິກ 2021: ກວດຊອກຫາໂຄວິດ-19 ຍ້ອນຫຼານຊາຍ ຢັ້ງຢືນຕິດເຊື້ອພະຍາດໂຄວິດ-19 ແລ້ວເຂົ້າສູນປີ່ນປົວສະໂມສອນດອກປີກໄກ່ຂອງແຂວງ.
  • - ວັນທີ 11 ພະຈິກ 2021: ຜູ້ກ່ຽວ ໄດ້ຖືກຍ້າຍໄປສູນປີ່ນປົວຫຼັກ 6 ຍ້ອນອາການຫືດສູງ ແລະມີໄຂ້
  • - ວັນທີ 14 ພະຈິກ 2021: ຄົນເຈັບມີອາການໜັກຂື້ນ, ກະວົນກະວາຍ, ຫາຍໃຈລຳບາກ, ສະຕິບໍ່ໄດ້, ມາຮອດ 
  • - ເວລາ 18:44 ໂມງ: ຜູ້ກ່ຽວໄດ້ເສຍຊີວິດ

ຜູ້ທີ 2: ເພດຍິງ ອາຍຸ 80 ປີ ອາຊີບ: ປະຊາຊົນ ບ້ານເວີນຄຳ ເມືອງໄຊທານີ ນະຄອນຫລວງວຽງຈັນ

  • - ພະຍາດປະຈໍາຕົວ: ພະຍາດຫົວໃຈ ແລະໝາກໄຂ່ຫຼັງຊຸດໂຊມ
  • - ຜ່ານມາບໍ່ໄດ້ຮັບການສັກຢາວັກຊີນກັນໂຄວິດ-19
  • - ຄົນໃນຄອບຄົວຕິດເຊື້ອ
  • - ວັນທີ 30 ຕຸລາ 2021: ເຂົ້ານອນຢູ່ພະແນກຊືມເຊື້ອຂອງໂຮງໝໍເສດຖາທິລາດຍ້ອນກວດພົບເຊື້ອພະຍາດໂຄວິດ-19
  • - ໄລຍະເວລາທີ່ນອນປີ່ນປົວຢູ່ໂຮງໝໍດັ່ງກ່າວ ແຕ່ວັນທີ 30 ຕຸລາ ຫາ 14 ພະຈິກ 2021, ເປັນເວລາ 16 ວັນ
  • - ມາຮອດເວລາ 11:07 ໂມງ ຂອງວັນທີ 14 ພະຈິກ 2021: ຄົນເຈັບໄດ້ເສຍຊີວິດ

ຜູ້ທີ 3: ເພດຍິງ ອາຍຸ 83 ປີ, ບ້ານຫ້ວຍຊາຍເໜຶອ ເມືອງຫ້ວຍຊາຍ ແຂວງບໍ່ແກ້ວ

  • - ພະຍາດປະຈຳຕົວ: ໄຂ່ຫຼັງຊຸດໂຊມ, ຄວາມດັນເລືອດສູງ ແລະເບົາຫວານ
  • - ຜ່ານມາໄດ້ຮັບການສັກຢາວັກຊີນກັນໂຄວິດ-19 ຄົບ
  • - ວັນທີ 13 ພະຈິກ 2021: ເຂົ້ານອນໂຮງໝໍແຂວງ ດ້ວຍອາການຊຸດໂຊມທາງລະບົບຫາຍໃຈ, ບໍ່ໄດ້ສະຕິ, ແພດໄດ້ນຳສົ່ງເຂົ້ານອນປິ່ນປົວຢູ່ຫ້ອງມໍລະສຸມພ້ອມເກັບຕົວຢ່າງກວດຊອກຫາເຊື້ອໂຄວິດ-19 ແລະຜົນກວດພົບເຊື້ອ.
  • - ໄລຍະທີ່ນອນປິ່ນປົວຢູ່ໂຮງໝໍດັ່ງກ່າວ ແຕ່ວັນທີ 13-14 ພະຈິກ 2021, ເປັນເວລາ 1 ວັນ.
  • - ມາຮອດເວລາ 7:30 ໂມງ ຂອງວັນທີ 14 ພະຈິກ 2021: ຄົນເຈັບໄດ້ເສຍຊີວິດ

ຜູ້ທີ 4: ເພດຊາຍ ອາຍຸ 23 ປີ, ຢູ່ສະຖານທີ່ຄຸມຂັງໂພນຕ້ອງ ແຕ່ເດືອນສິງຫາ 2021

  • - ວັນທີ 14 ພະຈິກ 2021 ເວລາ 19:30​ ໂມງ ສະຖານທີ່ຄຸມຂັງໂພນຕ້ອງໄດ້ພາຜູ້ກ່ຽວໄປກວດຢູ່ໂຮງຫມໍ 109 ຍ້ອນມີອາການໄອ, ຫາຍໃຈຍາກ, ແໜ້ນໜ້າເອີກ ແລະຜົນກວດອອກມາພົບເຊື້ອໂຄວິດ-19
  • - ໃນໄລຍະດຳເນີນການນຳສົ່ງຄົນເຈັບໄປຍັງສະຖານທີ່ປິ່ນປົວ, ເວລາ 20:15 ໂມງ ຜູ້ກ່ຽວກໍ່ໄດ້ເສຍຊີວິດລົງ

ຜູ້ທີ 5: ເພດຍິງ ອາຍຸ 55 ປີ, ອາຊີບ: ປະຊາຊົນ ບ້ານໄຜ່ລ້ອມ ເມືອງໄຊທານີ ນະຄອນຫລວງວຽງຈັນ.

  • - ພະຍາດປະຈຳຕົວ: ເບົາຫວານ
  • - ຜ່ານມາໄດ້ສັກວັກຊີນກັນໂຄວິດ-19 ຄົບ
  • - ວັນທີ 13 ພະຈິກ 2021: ຜູ້ກ່ຽວມາກວດຢູ່ໂຮງໝໍມິດຕະພາບດ້ວຍອາການອິດເມື່ອຍ, ຫາຍໃຈຫອບ, ສະຕິງ້ວງຊຶມ, ຖືຄີງໄຂ້, ຈຶ່ງໄດ້ເກັບຕົວຢ່າງກວດຊອກຫາໂຄວິດ-19 ແລະຜົນກວດແມ່ນພົບເຊື້ອພ້ອມທັງເຂົ້ານອນປີ່ນປົວຢູ່ໂຮງໝໍມິດຕະພາບ
  • - ໄລຍະທີ່ນອນປິ່ນປົວຢູ່ໂຮງໝໍແຕ່ວັນທີ 13-14 ພະຈິກ 2021 ເປັນເວລາ 2​ ວັນ.
  • - ຮອດເວລາ 18:00ໂມງ ຂອງວັນທີ 14 ພະຈິກ 2021: ຜູ້ກ່ຽວໄດ້ເສຍຊີວິດ

แชร์