ສູນວັດທະນະທໍາຈີນ ກຽມຈັດກິດຈະກຳສົ່ງທ້າຍປີ 2021

ສູນວັດທະນະທໍາຈີນ ປະຈຳ ລາວ ກຽມຈັດກິດຈະກຳສົ່ງທ້າຍປີ 2021 ໃນຮູບແບບອອນລາຍ, ຊຶ່ງຜູ້ເຂົ້າຮ່ວມຈະໄດ້ຮຽນຮູ້ເຕັກນິກຕ່າງໆເປັນຕົ້ນການຟ້ອນຕຸ່ນຫວງ, ພາສາຈີນ, ການເຮັດອາຫານຄາວ ແລະອາຫານຫວານ. ນອກຈາກນີ້, ຍັງຈະໄດ້ລຸ້ນລາງວັນອີກຫຼາຍລາຍການ.
ກິດຈະກໍາຄັ້ງນີ້, ປະກອບມີການ workshop ຟ້ອນຕຸ່ນຫວງ, ຮຽນຮູ້ເຕັກນິກການຟ້ອນຕຸ່ນຫວງຈາກສິລະປິນຈີນ, ຊຶ່ງຈະຈັດໃນລະຫວ່າງເດືອນພະຈິກຫາເດືອນ ທັນວາ. ພິເສດຜູ້ທີ່ສົນໃຈສາມາດສົ່ງຮູບຖ່າຍຂອງຕົນໃນການເຮັດທ່ວງທ່າການຟ້ອນຕຸ່ນຫວງເພື່ອລຸ້ນຮັບລາງວັນ. ສ່ວນລາຍການຫ້ອງອາຫານສູນວັດທະນະທໍາຈີນ ຈະໄດ້ນຳເອົາຄວາມຮູ້ ແລະເຕັກນິກການເຮັດອາຫານຈາກພໍ່ຄົວອາຊີບຂອງສູນວັດທະນະທໍາຈີນ ໂດຍຈະຈັດໃນວັນທີ 19 ພະຈິກ ເວລາ 16:00 ໂມງເປັນຕົ້ນໄປ; ລາຍການຄົວລາວອາຫານຈີນ special ເມນູຂອງຫວານຈະຈັດໃນວັນທີ 26 ພະຈິກ ເວລາ 16:00 ໂມງ ແລະ ຫ້ອງຮຽນພາສາຈີນອອນລາຍຈະເລີ່ມເປີດສອນ ທຸກໆວັນຈັນ ແລະວັນພຸດ ເວລາ 16:00 ໂມງ ເລີ່ມແຕ່ກາງເດືອນພະຈິກ ຫາ ທ້າຍເດືອນທັນວາ.
ສຳລັບທ່ານໃດມີຄວາມສົນໃຈຢາກເຂົ້າຮ່ວມກິດຈະກຳສາມາດສອບຖາມເພີ່ມຕື່ມ 020 5452 2828 ຫຼື Facebook: china cultural ceter in lao.

แชร์