4 ແຂວງໄດ້ຮັບການຊ່ວຍເຫຼືອດ້ານອາຫານຈາກລັດເຊຍ

   ວັນທີ 9 ພະຈິກ 2021 ທີ່ສາງອາຫານໂລກຫຼັກ 17, ນະຄອນຫຼວງວຽງຈັນ ໄດ້ມີພິທີມອບ-ຮັບນໍ້າມັນປຸງແຕ່ງອາຫານທີ່ມີທາດບໍາລຸງຈາກປະເທດລັດເຊຍໄດ້ມອບໃຫ້ອົງການອາຫານໂລກເພື່ອນໍາໄປຊ່ວຍເຫຼືອບັນດາຊຸມຊົນເປົ້າໝາຍທີ່ມີຄວາມສ່ຽງ, ນໍ້າມັນປຸງແຕ່ງອາຫານເລົ່ານີ້ແມ່ນເປັນສ່ວນໜຶ່ງຂອງກະຕ່າອາຫານທີ່ຈະນໍາໄປແຈກຢາຍໃຫ້ແກ່ 78.000 ຄົນ ໃນ 4 ແຂວງ ເພື່ອຕ້ານການຂາດແຄນສະບຽງອາຫານ ແລະຊ່ວຍເຫຼືອໃນການຄໍ້າປະກັນທາງດ້ານສະບຽງອາຫານ ແລະໂພຊະນາການ.

   ສະຫະພັນລັດເຊຍແມ່ນໄດ້ສືບຕໍ່ເລັ່ງໃສ່ວຽກງາມະນຸດສະທໍາ ແລະບັນເທົາຜົນກະທົບຈາກໄພພິບັດໃນ ສປປ ລາວ,” ກ່າວມອບໂດຍທ່ານວະລາດີເມຍກາລິນິນເອກອັກຄະລະຖະທູດ ແຫ່ງປະເທດລັດເຊຍ ປະຈໍາ ສປປ ລາວ, “ນັບຕັ້ງແຕ່ເກີດເຫດການໄພນໍ້າຖ້ວມທີ່ຮ້າຍແຮງ ໃນປີ2018, ພວກເຮົາໄດ້ພົບວ່າ: ການຮ່ວມມືກັບອົງ ການອາຫານໂລກແມ່ນມັນໄດ້ຮັບປະກັນການຊ່ວຍເຫຼືອຂອງພວກເຮົາແມ່ນໄດ້ໄປເຖິງຜູ້ທີ່ຕ້ອງການຄວາມຊ່ວຍເຫຼືອຫຼາຍທີ່ສຸດແທ້, ດ້ວຍຄວາມຊໍານິຊໍານານຂອງອົງການອາຫານໂລກໃນການກໍານົດຜູ້ໄດ້ຮັບຜົນປະໂຫຍດ ແລະການແຈກຢາຍແມ່ນຖືວ່າມີປະໂຫຍດຫຼາຍໂດຍສະເພາະໃນໄລຍະທີ່ມີການລະບາດຂອງພະຍາດໂຄວິດ-19, ໃນຂະນະທີ່ເຫດການຕ່າງໆປ່ຽນຢ່າງໄວວາ.”

   ທ່ານ ຢານ ເດລບາເຣີ ຜູ້ອຳນວຍການ ແລະຕາງໜ້າອົງການອາຫານໂລກກ່າວວ່າ: ອົງການອາຫານໂລກຈະນຳໃຊ້ນໍ້າມັນປຸງແຕ່ງອາຫານທີ່ມີທາດບໍາລຸງຈໍານວນ 118 ໂຕນ, ຄິດເປັນມູນຄ່າປະມານ 4,66 ແສນໂດລາສະຫະລັດ ເຂົ້າໃນສອງວຽກງານແຈກຢາຍສໍາລັບເຫດການສຸກເສີນ ແລະການສ້າງຄວາມສາມາດໃນການຮັບມື ແລະຟື້ນຟູຕົນເອງຈາກໄພພິບັດ, ບັນດາຊຸມຊົນທີ່ໄດ້ຮັບຜົນເສຍຫາຍຢ່າງໜັກໜ່ວງຈາກໄພນໍ້າຖ້ວມໃນໄລຍະທີ່ຜ່ານມານີ້ໃນແຂວງສະຫວັນນະເຂດ ແລະ ໄຊຍະບູລີ ຈະໄດ້ຮັບເຄື່ອງຊ່ວຍເຫຼືອຈາກສ່ວນທີ່ເປັນການແຈກຢາຍສໍາລັບເຫດການສຸກເສີນ, ເພື່ອແກ້ໄຂບັນຫາການຂາດແຄນອາຫານໃນຂະນະທີ່ພວກເຂົາກໍາລັງປະສົບໄພ. ນອກຈາກນີ້, ນໍ້າມັນປຸງແຕ່ງອາຫານຂອງລັດເຊຍຍັງຈະເປັນສ່ວນໜຶ່ງຂອງກະຕ່າອາຫານ,ໃນນີ້ລວມມີເຂົ້າສານ ແລະປາກະປ໋ອງ,ໃນການຊ່ວຍເຫຼືອທາງດ້ານອາຫານທີ່ຈໍາເປັນໃຫ້ແກ່ປະຊາຊົນປະມານ 31.500 ຄົນ ໃນແຂວງຜົ້ງສາລີ ແລະສະຫວັນນະເຂດ ຜູ້ທີ່ກໍາລັງເຂົ້າຮ່ວມ ກິດຈະກໍາກໍ່ສ້າງສິ່ງກໍ່ສ້າງຕ່າງໆ ທີ່ເປັນຂອງຊຸມຊົນດ້ວຍການຂຸດໜອງປາ, ສ້ອມແປງໂຄງສ້າງພື້ນຖານສໍາລັບວຽກກະສິກໍາທີ່ເປ່ເພ ແລະຖະໜົນຫົນທາງ ແລະປັບປຸງຄອງລະບາຍນໍ້າ, ຊຶ່ງຈະຊ່ວຍໃຫ້ບັນດາຊຸມຊົນເລົ່ານີ້ມີໂອກາດໄດ້ຮັບຜົນເກັບກ່ຽວທີ່ດີຂຶ້ນ ແລະກາຍມາເປັນຊຸມຊົນທີ່ມີຄວາມສາມາດຮັບມືແລະຟື້ນຟູຕົນເອງຈາກຄວາມສ່ຽງທີ່ເກີດຂຶ້ນຈາກການປ່ຽນແປງຂອງສະພາບດິນຟ້າອາກາດ.

 ສ່ວນທີ່ຍັງເຫຼືອຂອງການຊ່ວຍເຫຼືອຈາກປະເທດລັດເຊຍໃນເທື່ອນີ້ຈະຖືກເກັບສໍາຮອງໄວ້ສໍາລັບການແຈກສໍາລັບເຫດການສຸກເສີນໃນປີ 2022 ຊຶ່ງຄາດວ່າຈະສາມາດແຈກຢາຍໃຫ້ແກ່ປະຊາຊົນໄດ້ເຖິງ 78.000 ຄົນ.

  ເຄື່ອງມືແຜນທີ່ສະແດງເຂດທີ່ມີຄວາມສ່ຽງຂອງອົງການອາຫານມັນໄດ້ຊ່ວຍພວກເຮົາສາມາດປັບປ່ຽນກິດຈະກໍາຂອງພວກເຮົາເພື່ອເລັງໃສ່ປະຊາຊົນຜູ້ທີ່ມີຄວາມສ່ຽງຫຼາຍທີ່ສຸດໄດ້ຕະຫຼອດເວລາ”.

แชร์