ຊໍາໃຕ້ ຈັບຜູ້ຄ້າຢາເສບຕິດ ພົບຢາບ້າ 661 ເມັດ

ໃນວັນທີ 3 ພະຈິກຜ່ານມານີ້ ເຈົ້າໜ້າທີ່ ປກສ ເມືອງຊຳໃຕ້ ແຂວງຫົວພັນ ຈັບຜູ້ຖືກຫາຄ້າ-ຂາຍຢາເສບຕິດໄດ້ 1 ຄົນ, ພ້ອມຂອງກາງຢາເສບຕິດປະເພດຢາບ້າຈຳນວນ 661 ເມັດ.
ທາງເຈົ້າໜ້າທີ່ ປກສ ເມືອງຊຳໃຕ້ ໄດ້ລາຍງານໃຫ້ຮູ້ວ່າ: ຜູ້ຖືກຫາຊື່ທ້າວ ໄຊເກີທໍ່ ອາຍຸ 50 ປີ, ປະຊາຊົນ ຢູ່ບ້ານຫ້ວຍນີ ເມືອງຊຳໃຕ້ ແຂວງຫົວພັນ, ໄດ້ຖືກກັກຕົວໃນເວລາປະມານ 12 ໂມງ ຂອງວັນທີ 3 ພະຈິກ 2021, ຊຶ່ງເຈົ້າໜ້າທີ່ ປກສ ເມືອງຊຳໃຕ້ ໄດ້ລົງກວດກາຕາມເສັ້ນທາງຢູ່ເຂດບ້ານຫ້ວຍນີ ຫາ ບ້ານນາເມືອງກຸ່ມໜອງຄຳ ເມືອງຊຳໃຕ້ ແຂວງຫົວພັນ ຈຶ່ງໄດ້ພົບເຫັນຜູ້ກ່ຽວທີ່ຕ້ອງສົງໄສເລີຍທຳການກວດກາຕາມລະບຽບການຜ່ານການກວດໄດ້ພົບເຫັນຂອງກາງຢາເສບຕິດປະເພດຢາບ້າ ຈຳນວນ 661 ເມັດ, ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ກ່ຽວໄດ້ຮັບສາລະພາບວ່າຢາບ້າໃນຈຳນວນດັ່ງກ່າວແມ່ນຂອງຜູ້ກ່ຽວແທ້.
ຈາກນັ້ນ, ເຈົ້າໜ້າທີ່ ປກສ ເມືອງຊຳໃຕ້ ຈຶ່ງໄດ້ນໍາຕົວທ້າວ ໄຊເກີທໍ່ ພ້ອມທັງເຄື່ອງຂອງກາງມອບໃຫ້ພະແນກສະກັດກັ້ນ ແລະຕ້ານຢາເສບຕິດ ປກສ ແຂວງຫົວພັນດໍາເນີນຄະດີເພື່ອສືບສວນ-ສອບສວນຫາກຸ້ມແກ້ງຮ່ວມຂະບວນການຕໍ່ກັບບັນຫາດັ່ງກ່າວມັນເປັນການສ້າງຄວາມບໍ່ເປັນລະບຽບຮຽບຮ້ອຍໃນສັງຄົມເພື່ອແກ້ໄຂບັນຫາດັ່ງກ່າວໃຫ້ຫຼຸດພົ້ນຈາກສັງຄົມ.
ຂ່າວ ປກສ ແຂວງຫົວພັນ

แชร์