3 ພຶດຕິກຳທີ່ບໍ່ສົມຄວນເຮັດ ຍາມເດີກໆ

  ພຶດຕິກຳການເປີດເພງສຽງດັງ ຫຼື ສົ່ງສຽງດັງໃນຮູບແບບຕ່າງໆໃນຍາມວິການ (ເດິກດື່ນທ່ຽງຄືນ) ເກີນໂມງທີ່ທາງລະບຽບບ້ານເມືອງກຳນົດໄວ້ຄືບໍ່ໃຫ້ໃຊ້ສຽງດັງເກີນ 23:00 -24:00 ໂມງນັ້ນຖືເປັນການລົບກວນເວລາພັກຜ່ອນຂອງຄົນອື່ນ ໃນທາງດ້ານຂອງສັງຄົມການຢູ່ຮ່ວມກັນຖືວ່າເປັນເລື່ອງທີ່ເສຍມາລະຍາດອີກຮູບແບບໜຶ່ງມັນປຽບເໝືອນການບໍ່ເຄົາລົບເວລາພັກຜ່ອນຂອງຄົນອື່ນ ແລະ ເປັນການບໍ່ເຄົາລົບກົດລະບຽບຂອງບ້ານເມືອງ ທ່ານຮູ້ ຫຼືບໍ່ວ່າ? ມົນລະພິດທາງສຽງນັ້ນເປັນອັນຕະລາຍຕໍ່ສຸຂະພາບຫຼາຍ ໂດຍສະເພາະກັບຄົນເຮັດວຽກເມື່ອຍ, ຄົນເຖົ້າ, ເດັກນ້ອຍ, ຄົນປ່ວຍ.
• ຜົນກະທົບທາງດ້ານຈິດໃຈເມື່ອມີສຽງດັງລົບກວນ: ກໍ່ໃຫ້ເກີດອາການຫງຸດງິດ, ລຳຄານ, ປະສາດ, ແລະກໍ່ໃຫ້ເກີດຈິດປ່ວງ, ເສຍສະມາທິ.
• ຜົນກະທົບຕໍ່ສະພາບຮ່າງກາຍ: ເຮັດໃຫ້ຫົວໃຈເຕັ້ນແຮງ, ເຮັດໃຫ້ຄວາມດັນເລືອດສູງ, ເຮັດ ໃຫ້ກ້າມເນື້ອກະຕຸກເກີດອາການເມື່ອຍ, ເຮັດໃຫ້ນອນບໍ່ຫຼັບ ແລະ ເຮັດໃຫ້ປະສາດຫູເສື່ອມອາດເຖິງຂັ້ນເປັນພິການຫູໄດ້.
• ຜົນຂອງການເຮັດວຽກຖ້າຫາກນອນບໍ່ເຕັມອື່ມຍ້ອນກາງຄືນຖືກສຽງຫຼົບກວນຈະສົ່ງຜົນໃຫ້ສະໝອງທຳງານຊ້າກວ່າປົກກະຕິຄິດວຽກບໍ່ອອກປະສິດຕິພາບຂອງການເຮັດວຽກຈະຫຼຸດລົງ.

  ນອກຈາກນີ້, ກໍ່ເປັນສາເຫດທີ່ເຮັດໃຫ້ຫຼັບໃນ ໃນເວລາຂັບລົດອາດເຮັດໃຫ້ເກີດອຸບັດຕິເຫດໄດ້.

----

ໜັງສືພິມ ເສດຖະກິດ-ສັງຄົມ

แชร์