ຈີນ ເຕືອນປະຊາຊົນພ້ອມຮັບມືກັບອາກາດໜາວ

  ກົມອຸຕິນິຍົມວິທະຍາແຫ່ງຊາດຂອງ ສປ ຈີນ ເຕືອນປະຊາຊົນພ້ອມຮັບມືກັບອາກາດໜາວ ຊຶ່ງອຸນຫະພູມຫຼຸດລົງຫຼາຍກວ່າ 10 ອົງສາເຊ.

  ຕາມຂ່າວຕ່າງປະເທດລາຍງານວ່າ: ສຳນັກງານອຸຕຸນິຍົມວິທະຍາແຫ່ງຊາດຈີນອອກປະກາດເຕືອນໄພສະພາບອາກາດປ່ຽນແປງໃນລະດັບສີສົ້ມ ຊຶ່ງເປັນລະດັບຮອງຈາກສູງສຸດເນື່ອງຈາກຫິມະໄລຍະທຳອິດຂອງລະດູໜາວປີນີ້ມາໄວ ແລະຫຼາຍກວ່າປົກກະຕິໂດຍປະລິມານຫິມະຕົກສະສົມໃນບາງພື້ນທີ່ທາງພາກເໜືອຂອງຈີນສູງເຖິງ 45 ມີລິແມັດ ພາຍໃນໄລຍະເວລາ 24 ຊົ່ວໂມງ ຖືວ່າມາໄວກວ່າປົກກະຕິເຖິງ 23 ວັນ.

  ດັ່ງນັ້ນ ເຈົ້າໜ້າທີ່ທາງການໄດ້ມີຄຳເຕືອນໃຫ້ປະຊາຊົນຫຼີກລ້ຽງອອກນອກເຄຫາສະຖານຖ້າບໍ່ຈຳເປັນເນື່ອງຈາກອຸນຫະພູມມີທ່າອຽງຫຼຸດລົງຕໍ່າສຸດໃນຮອບໜຶ່ງທົດສະວັດລວມທັງພາກຕາເວັນອອກລົງໄປຈົນເຖິງພາກໃຕ້ນັບແຕ່ນະຄອນຊຽງໄຮ້ໄປຈົນເຖິງເມືອງກວ່າງໂຈວໄດ້ຮັບຄຳເຕືອນໃຫ້ລະມັດລະວັງສະພາບອາກາດໜາວແຮງເຊັ່ນກັນ.

-----

ໜັງສືພິມ ເສດຖະກິດ-ສັງຄົມ

แชร์