ຢາເມັດແພັກໂລວິດຫຼຸດຄວາມສ່ຽງເຂົ້າໂຮງໝໍ-ເສຍຊີວິດ 89%

  ບໍລິສັດໄຟເຊີປະກາດຄວາມສຳເລັດຢາເມັດປິ່ນປົວພະຍາດໂຄວິດ-19 ຫຼຸດຄວາມສ່ຽງເຂົ້າໂຮງໝໍ ແລະການເສຍຊີວິດໃນຄົນເຈັບໄດ້ເຖິງ 89% ກຽມຂໍອະນຸມັດໃຊ້ສຸກເສີນໃນອາເມລິກາ.

  ຕາມຂ່າວຕ່າງປະເທດລາຍງານວ່າ: ບໍລິສັດໄຟເຊີ (Pfizer) ກຽມຢືນເອກະສານຂໍອະນຸມັດການໃຊ້ຢາຕ້ານໂຄວິດ-19 ແພັກ ໂລວິດ (Paxlovid) ຊຶ່ງເປັນຢາຊະນິດເມັດແບບຮັບປະທານຕໍ່ອົງການອາຫານ ແລະຢາຂອງອາເມລິກາ (FDA) ກ່ອນວັນທີ 25 ພະຈິກ ຫຼັງຈາກຜົນການທົດລອງໄລຍະ 3 ສາມາດຫຼຸດຄວາມສ່ຽງການເຈັບໜັກ ແລະເສຍຊີວິດສູງເຖິງ 89% ຖ້າຫາກຜ່ານການຮັບຮອງຈາກ FDA ແລ້ວຈະກາຍເປັນຄວາມຫວັງໃໝ່ໃນການຄຸ້ມຄອງປະຊາຊົນຈາກຜົນຮ້າຍແຮງທີ່ສຸດຂອງໂຄວິດ-19 ໃນປະ ຈຸບັນ.

  ໄຟເຊີທົດລອງຢາຊະນິດນີ້ ກັບຄົນເຈັບທີ່ເປັນຜູ້ໃຫຍ່ທີ່ບໍ່ໄດ້ຮັບການສັກວັກແຊງຈຳນວນ 1.219 ຄົນ ໂດຍ 5 ວັນ ຫຼັງການປິ່ນປົວດ້ວຍຢານີ້ພົບວ່າ: ຢາສາມາດຫຼຸດ ອັດຕາການເຂົ້າໂຮງໝໍໄດ້ຫຼາຍເມື່ອກິນຢາຫຼັງຈາກເລີ່ມມີອາການພາຍໃນ 3 ຫຼື 5 ວັນ.

---

ໜັງສືພິມ ເສດຖະກິດ-ສັງຄົມ

แชร์