ອິນໂດເນເຊຍ ຫຼຸດເວລາການກັກໂຕຕ່າງຊາດເຫຼືອ 3 ວັນ

  ລັດຖະບານອິນໂດເນເຊຍ ຫຼຸດເວລາການກັກໂຕໃຫ້ຜູ້ເດີນທາງຈາກຕ່າງປະເທດຈາກ 5 ວັນ ເຫຼືອ 3 ວັນ.
  ຕາມຂ່າວຕ່າງປະເທດລາຍງານວ່າ: ທ່ານ ໄອລັງກາ ຮາຕາຣໂຕ ລັດຖະມົນຕີກະຊວງປະສານງານກິດຈະການເສດຖະກິດອິນໂດເນເຊຍເປີດເຜີຍວ່າ: ອິນໂດເນເຊຍໄດ້ຫຼຸດຜ່ອນໄລຍະເວລາການກັກໂຕໃຫ້ແກ່ຜູ້ເດີນທາງມາຈາກຕ່າງປະເທດລວມທັງພົນລະເມືອງອິນໂດເນເຊຍ ແລະຊາວຕ່າງປະເທດຈາກ 5 ວັນ ເຫຼືອ 3 ວັນ ໂດຍຂໍ້ບັງຄັບດັ່ງກ່າວຈະນຳໃຊ້ສຳລັບຜູ້ທີ່ເດີນທາງມາຈາກຕ່າງປະເທດທີ່ມີຄຸນສົມບັດຕາມຂໍ້ກຳນົດເຊັ່ນ: ສັກວັກແຊງປ້ອງກັນພະຍາດໂຄວິດ-19 ຄົບໂດສ, ມີຜົນກວດພີຊີອາຣ (PCR) ເປັນລົບນັບຕັ້ງແຕ່ອອກເດີນທາງ, ຫຼັງຈາກເດີນທາງມາເຖິງອິນໂດເນເຊຍ ແລະເມື່ອສິ້ນສຸດການກັກໂຕຂະນະດຽວກັນນັກເດີນທາງພາຍໃນປະເທດທີ່ສັກວັກຊິນຄົບໂດສແລ້ວຈະຕ້ອງສະແດງຜົນການທົດລອງແອນຕີເຈນ ຫຼື ຜົນການທົດລອງພີຊີອາຣສຳລັບຜູ້ສັກວັກແຊງພຽງໂດສດຽວ.
  ປະຈຸບັນ, ອິນໂດເນເຊຍ ສາມາດຄວບຄຸມການແຜ່ລະບາດຄັ້ງໃຫຍ່ຂອງພະຍາດໂຄວິດ-19 ໄດ້ເປັນສ່ວນໃຫຍ່ແລ້ວເນື່ອງຈາກຍອດຈຳນວນຜູ້ຕິດເຊື້ອພາຍໃນປະເທດຫຼຸດລົງຢ່າງຕໍ່ເນື່ອງ.

----

ໜັງສືພິມ ເສດຖະກິດ-ສັງຄົມ

แชร์