ເປີດໂຕລົດຄວາມໄວສູງ 500 ກິໂລແມັດຕໍ່ຊົ່ວໂມງຄັນທຳອິດຂອງໂລກ

  SP Automotive ເປີດໂຕລົດ Ultra car ຄັນທຳອິດຂອງໂລກກຳລັງແຮງສູງເຖິງ 3.065 ແຮງມ້າ ແລ່ນດ້ວຍຄວາມໄວສູງສຸດ 500 ກິໂລແມັດຕໍ່ຊົ່ວໂມງ.
  ຕາມຂ່າວຕ່າງປະເທດລາຍງານວ່າ SP Automotive ບໍລິສັດລົດສັນຊາດເກຣັກເປີດໂຕ "Chaos"ລົດລະດັບ ຄັນທຳອິດຂອງໂລກ ຊຶ່ງມີກຳລັງສູງເຖິງ 3.065 ແຮງມ້າ ຊຶ່ງນີ້ບໍ່ແມ່ນ Super car ຫຼື Hyper Car ແຕ່ຄື Ultracar ຄັນທໍາອິດຂອງໂລກ ດ້ວຍແຮງມ້າສູງຊະນິດທີ່ບໍ່ເຄີຍມີມາກ່ອນ ແລະຄຸນສົມບັດທີ່ລໍ້າໜ້າອື່ນໆ ມັນຈະເປັນຕົວປ່ຽນສຳຫຼັບວົງການລົດລະດັບສາກົນ ຊຶ່ງເໜືອໄປກວ່າ Hyper Car . ໂດຍລົດ Chaos ມີຄວາມໄວສູງສຸດ 500 ກິໂລແມັດຕໍ່ຊົ່ວໂມງ ຊຶ່ງໄວກວ່າ Bugatti Chiron Super Sport 300+ ແລະ Hyper Car ລົດໄຟຟ້າຄື Rimac Nevera.ໂດຍມີອັດຕາຄວາມໄວຈາກ 0 ເຖິງ 100 ກິໂລແມັດຕໍ່ຊົ່ວໂມງພາຍໃນເວລາ 1,55 ວິນາທີ ແລະ100 ເຖິງ 200 ກິໂລແມັດຕໍ່ຊົ່ວໂມງ ໃນອີກ 1,7 ວິນາທີ ຜູ້ພັດທະນາລະບຸວ່າ Chaos ບໍ່ແມ່ນລົດແຂ່ງແຕ່ເປັນລົດທີ່ສາມາດໃຊ້ໄດ້ໃນທຸກວັນ ແຕ່ມີປະສິດທິພາບລໍ້າໜ້າຂຶ້ນເທົ່ານັ້ນ ຊຶ່ງທາງບໍລິສັດຕ້ອງການໃຫ້ລົດຄັນນີ້ເໝາະສຳລັບການເດີນທາງໃນຊີວິດປະຈຳວັນ ແລະສຳຫຼັບຜູ້ຂັບຂີ່.
  ໃນສ່ວນຂອງລາຄານັ້ນມີຕັ້ງແຕ່ 5,5 ລ້ານເອີໂຣ (6,4 ລ້ານໂດລາສະຫະລັດ) ສຳລັບລົດລຸ້ນ 2.000 ແຮງມ້າ ໄປຈົນເຖິງ 12,4 ລ້ານເອີໂຣ(14,4 ລ້ານໂດລາ) ສຳລັບລົດລຸ້ນ 3.000 ແຮງມ້າ ໂດຍມີກຳນົດສົ່ງມອບຄັ້ງທຳອິດໃນໄລຍະຕົ້ນປີ 2022. ຊຶ່ງຈະມີການຈໍາກັດການຜະລິດຢູ່ທີ່ 100 ຄັນ ໂດຍຈະຜະລິດປີລະ 15-20 ຄັນຕໍ່ປີເທົ່ານັ້ນ.

----

ໜັງສືພິມ ເສດຖະກິດ-ສັງຄົມ

แชร์