ອະນາໄມໂລກຮັບຮອງວັກແຊງໂຄວິດຂອງອິນເດຍໃຊ້ສຸກເສີນ

  ວັນທີ 3 ພະຈິກ 2021 ອົງການອະນາໄມໂລກ (WHO) ໄດ້ປະກາດວ່າວັກແຊງຕ້ານໂຄວິດ-19 ທີ່ມີຊື່ວ່າ Covaxin ຊຶ່ງ ພັດທະນາໂດຍ Bharat Biotech ຜູ້ຜະລິດຢາລາຍໃຫຍ່ໃນປະເທດອິນເດຍໄດ້ຮັບການອະນຸມັດສໍາລັບການນໍາໃຊ້ສຸກເສີນແລ້ວ.

ຕາມຂ່າວຕ່າງປະເທດລາຍງານວ່າ: WHO ຍັງແນະນໍາວ່າການສັກຢາວັກແຊງ covaccin 2 ໂດສ ຫ່າງກັນ 4 ອາທິດຈະຖືກປະຕິບັດສໍາລັບຜູ້ທີ່ມີອາຍຸ 18 ປີຂຶ້ນໄປ. Covaxin ແມ່ນວັກແຊງທີ 7 ທີ່ໄດ້ຮັບການອະນຸມັດຈາກອົງການອະນາໄມໂລກເພື່ອໃຊ້ໃນກໍລະນີສຸກເສີນຕໍ່ຈາກວັກແຊງທີ່ຜະລິດດ້ວຍເຕັກໂນໂລຊີ mRNA ຂອງ Pfizer/BioEntech ກັບ Moderna, ວັກແຊງທີ່ຜະລິດດ້ວຍເຕັກໂນໂລຊີ Astrazeneca ແລະJohnson&Johnson ແລະ ວັກແຊງຂ້າເຊື້ອ ໂດຍບໍລິສັດຈີນ Sinovac ແລະSinofarm.

  ການອະນຸມັດຂອງ WHO ຍັງເປັນການເປີດທາງໃຫ້ອິນເດຍສົ່ງວັກແຊງ Covaxin ເຂົ້າໃນໂຄງການ COVAX ເພື່ອແບ່ງປັນວັກແຊງໃຫ້ກັບບັນດາປະເທດທີ່ທຸກ ຍາກທົ່ວໂລກ ແລະຍັງຊ່ວຍໃຫ້ປະຊາຊົນອິນເດຍອີກຫຼາຍລ້ານຄົນທີ່ໄດ້ຮັບການສັກຢາວັກແຊງຊະນິດນີ້ສາມາດເດີນທາງໄປປະເທດອື່ນໆ ທີ່ອະນຸຍາດໃຫ້ພຽງແຕ່ການສັກຢາວັກແຊງທີ່ໄດ້ຮັບການອະນຸມັດໂດຍ WHO ເຂົ້າໄປໃນປະເທດ.

----

ໜັງສືພິມ ເສດຖະກິດ-ສັງຄົມ

แชร์