ສະຫຼອງການຮ່ວມມືວຽກງານກະສິກຳ

ສູນຄົ້ນຄວ້າກະສິກຳປ່າໄມ້ ແລະອົດສະຕຣາລີໄດ້ສະເຫຼີມສະຫຼອງການຮ່ວມມືອັນດີເປັນເວລາຫຼາຍກວ່າ 25 ປີກ່ຽວກັບດ້ານກະສິກໍາຊີວິດການເປັນຢູ່ຂອງຊາວກະສິກອນລາວເພື່ອພັດທະນາປະສິດທິພາບ ແລະມີຄວາມຍືນຍົງໃນຫຼາຍກວ່າ 100 ໂຄງການງານດັ່ງກ່າວໄດ້ຈັດຂຶ້ນວັນທີ 11 ມີນາ ທີ່ນະຄອນຫຼວງວຽງຈັນ ໂດຍເປັນກຽດເຂົ້າຮ່ວມທ່ານ ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກຳປ່າໄມ້ ແລະ ພັດທະນາຊົນນະບົດກະຊວງກະສິກໍາ ແລະ ປ່າໄມ້, ທ່ານ ຈ໋ອງເບິນາດຄາຣາສໂກເອກອັກຄະລັດຖະທູດອົດສະຕຣາລີປະຈໍາ ສປປ ລາວ ທ່ານ ແອດຣູ ແຄມແບລ ປະທານບໍລິຫານຂອງອົງການເອຊີອາພ້ອມດ້ວຍແຂກຖືກເຊີນເຂົ້າຮ່ວມ.

 ທ່ານ ບຸນຖອງ ບົວຫອມ ໄດ້ກ່າວວ່າ: ນັບແຕ່ປີ 1990 ເປັນຕົ້ນມາທັງສອງປະເທດໄດ້ເຮັດວຽກຮ່ວມກັນເພື່ອປັບປຸງຊີວິດການເປັນຢູ່ຂອງຊາວກະສິກອນລາວ ແລະປະກອບສ່ວນເຂົ້າໃນການຂະຫຍາຍຕົວຂອງເສດຖະກິດຢ່າງມີຜົນທີ່ໄດ້ຮັບທີ່ໜ້າປະທັບໃຈຊາວກະສິກອນຕອນນີ້ແມ່ນສາມາດເຂົ້າເຖິງໄມ້ສັກທີ່ເຕີບໃຫຍ່ໄວ ແລະມູນ ຄ່າສູງ ຊາວປະມົງແມ່ນສາມາດເລີ່ມຫາປາຄືນໄດ້ຍ້ອນໂຄງການ ຊົນລະປະທານທີ່ເປັນມິດກັບຊາວນາໃນປະຈຸບັນນີ້ໄດ້ນຳໃຊ້ເຕັກນິກ ການເຮັດນາຢອດ, ນາຫວ່ານແບບໃໝ່ເພື່ອຈັດການກັບຄວາມສ່ຽງດ້ານສະພາບອາກາດ ແລະຂໍ້ຈຳກັດດ້ານແຮງງານ.

ຜ່ານການຄົ້ນຄວ້າສົມບູນໃນຫ້າຂົງເຂດຄື: ການປູກພືດ, ການປະມົງ, ປ່າໄມ້, ນໍ້າ ແລະການປ່ຽນແປງຂອງສະພາບອາກາດ ແລະ ການລ້ຽງສັດນັກຄົ້ນຄວ້າຂອງລາວ ແລະອົດສະຕຣາລີໄດ້ສະແດງໃຫ້ເຫັນວ່າການຮ່ວມມືໃນການຄົ້ນຄວ້າແມ່ນສາມາດສ້າງລະບົບກະສິກຳທີ່ມີປະສິດທິຜົນມີການປັບຕົວເຂົ້າກັບສະພາ ບໄດ້ດີ ແລະມີຄວາມຍືນຍົງໃຫ່ແກ່ຊາວກະສິກອນຫຼາຍກວ່າ 100 ໂຄງການ, ສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດນາຟຣີແມ່ນໜຶ່ງໃນຄູ່ຮ່ວມ ງານຕົ້ນຕໍຢູ່ລາວຂອງເອ ຊີອາ ການຮ່ວມມືຢ່າງເຂັ້ມແຂງ ລະຫວ່າງລາວ ແລະອົດສະຕຣາ ລີໄດ້ແມ່ນມີຄວາມສຳຄັນຫຼາຍຕໍ່ນາຟຣີຖານະສະຖາບັນຄົ້ນຄວ້າ ເລີ່ມແຕ່ປີ 1990 ເປັນຕົ້ນມາໄດ້ເຮັດວຽກຮ່ວມນັກວິທະຍາສາດ ແລະ ນັກຄົ້ນຄວ້າອົດສະຕຣາລີທີ່ມີ ຄວາມຊຳນານ ແລະໄດ້ສ້າງຄວາມ ຮູ້ຄວາມສາມາດໃນຄົ້ນຄວ້າດ້ານກະສິກຳເພື່ອການພັດທະນາ.

ຂ່າວ: ນສພ ເສດຖະກິດ-ສັງຄົມ

 

แชร์