ມິມີລືມ ເຂົ້າຈີ່ແຊບ ກຽມຂະຫຍາຍທຸລະກິດ ເຈາະຕະຫຼາດຕ່າງປະເທດ

ໂດຍ: ບຸນນິກ

    ມິມີລືມ ເປັນຮ້ານເຂົ້າຈີ່ ບອກໄດ້ເລີຍເຖິງຄວາມໂດດເດັ່ນລົດຊາດແຊບ ແລະ ຮັບມາດຖານເປັນອັນດັບຕົ້ນໆຂອງລາວທີ່ເປັນເອກະລັກ ແລະ ມີອາຫານນໍ້າປັ່ນຫຼາຍລົດຊາດທີ່ແວ່ກິນໄປມາແບບສະດວກວ່ອງໄວ, ປະຈຸບັນເປັນທີ່ຮູ້ຈັກດີໃນສັງຄົມ ແລະແຜນປີ 2022 ກຽມຂະຫຍາຍສາຂາໃຫ້ຫຼາຍຂຶ້ນ ແລະກຽມເຈາະຕະຫຼາດໃນຕ່າງປະເທດ.

  ທ່ານ ມາລີໂນ້ ກອນນີວົງ ເຈົ້າຂອງຮ້ານມິມີລືມ ໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມ ໃຫ້ຮູ້ວ່າ: ກ່ອນມາເປີດຮ້ານມິມີລືມຈາກຕົນເອງເປັນຄົນມັກຮັກ ແລະມັກກິນເຂົ້າຈີ່ ແລະສະປາເກັດຕີຈຶ່ງມີຄວາມຄິດ ແລະສ້າງເຂົ້າຈີ່ທີ່ມີເອກະລັກ, ຊຶ່ງປະຈຸບັນທາງຮ້ານເພິ່ນແມ່ນເອົາໃຈໃສ່ພິຖີພິຖັນເລີ່ມຂັ້ນຕອນການຜະລິດໂດຍມີຫຼາກຫຼາຍລົດຊາດຈົນເປັນທີ່ຮູ້ຈັກຂອງສັງຄົມດີໃນປະຈຸບັນ.

   ພາຍຫຼັງມີໂຄວິດທາງຮ້ານແມ່ນໄດ້ຮັບຜົນກະທົບ ແລະໄດ້ປິດໂຕລົງໄດ້ໄລຍະໜຶ່ງລັດຖະບານໄດ້ຜ່ອນຄາຍມີການຜ່ອນຜັນທາງຮ້ານກໍ່ກັບມາເປີດຕໍ່ ແລະ ປະຕິບັດ ມາດຕະການປ້ອງກັນທຸກຂັ້ນຕອນຂອງໜ່ວຍສະເພາະກິດວາງອອກ, ມາຮອດປະຈຸບັນຫຼາຍທຸລະກິດແມ່ນກຳລັງປັບຕົວແລະຟື້ນຟູທຸລະກິດໃຫ້ກັບມາດຳເນີນຕໍ່ໜຶ່ງໃນນັ້ນຮ້ານມິມີລືມກໍ່ໄດ້ຫຼາຍວິທີການຂາຍຮູບແບບໃໝ່, ຈັດສະຖານທີ່ໃຫ້ມີຄວາມປອດໄພ ແລະຍັງໃຫ້ມີບໍລິການເຖິງທີ່ເຮັດໃຫ້ປະຈຸບັນຕະຫຼາດເພິ່ນກັບມາມີຄວາມນິຍົມກັນດີຂຶ້ນເຖິງຈະພົບບັນຫາໂຄວິດກໍ່ຕາມ.

   ປະຈຸບັນຮ້ານແມ່ນມີບໍລິການ 4 ສາຂາ ໃນນະຄອນຫຼວງວຽງຈັນ ສຳລັບຮ້ານແມ່ນມີບໍລິການເຂົ້າຈີ່, ເຟັ້ນຟາຍ, ສະປາເກັດຕີ້, ສະປາເກັດຕີ້ທາໂກຢາກິ, ສະປາ ເກັດຕີ້ ຄາໂບນາລ້າ, ໝູແດງຊາຊູ, ສະປາເກັດຕີ້ບາບີຄິວ, ສະປາເກັດຕີ້ Bolognese, ສະປາເກັດຕີ້ໝູຄາລາເມວ ແລະເຄື່ອງດື່ມອີກຫຼາກຫຼາຍທີ່ໄດ້ມາດຕະຖານ, ພ້ອມຄວາມສະອາດ, ສົດໃໝ່, ເສີບໃຫ້ທ່ານໃນທຸກໆ ມື້ວິທີສັ່ງໂທສັ່ງໄດ້ທຸກໆ ມື້ຕັ້ງແຕ່ 8 ໂມງເຊົ້າຫາ 8 ໂມງແລງ ສົ່ງເຖິງທີ່ເລີຍເດີສັ່ງເລີຍກັບມິມີລືມໂທ 0305533 380 ຫຼືວ໋ອດແອັບ 020587 06653 ແນວໃດກໍ່ຕາມເພື່ອເປັນການຕອບສະໜອງຄວາມຕ້ອງການລູກຄ້າທາງຮ້ານກຽມມີແຜນຂະຫຍາຍໄປທົ່ວແຕ່ລະຈຸດພາຍໃນປະເທດໃຫ້ຫຼາຍຂຶ້ນ ແລະໃນປີ 2022 ທາງຮ້ານແມ່ນກຽມເຈາະຕະຫຼາດຕ່າງປະເທດຄືປະເທດໄທ.

แชร์