ຈີນຄົ້ນພົບບໍ່ຄຳຂະໜາດໃຫຍ່ 30 ໂຕນ

  ຈີນຄົ້ນພົບບໍ່ຄຳຂະໜາດໃຫຍ່ອີກແລ້ວທີ່ມົນທົນເຫີໜານມີປະລິມານຄຳສຳຮອງຂັ້ນຕົ້ນຫຼາຍກວ່າ 30 ໂຕນ ແລະຄາດວ່າ ຈົນເຖິງທ້າຍປີນີ້ຖ້າຫາກສຳຫຼວດເພີ່ມອາດພົບປະລິມານຄຳສຳຮອງຫຼາຍກວາ 50 ໂຕນ.
ຕາມຂ່າວຕ່າງປະເທດລາຍງານວ່າ: ສຳນັກງານສຳຫຼວດ ແລະພັດທະນາທາງທໍລະນີວິທະຍາ ແລະບໍ່ແຮ່ປະຈຳມົນທົນເຫີໜານທາງພາກກາງຂອງຈີນເປີດເຜີຍການຄົ້ນ ພົບບໍ່ຄຳຂະໜາດໃຫຍ່ໃນບ້ານຈູຈວງ ຂອງມົນທົນເຫີໜານ ຊຶ່ງມີປະລິມານຄຳສຳຮອງຂັ້ນຕົ້ນປະມານ 31,5 ໂຕນ, ສຳນັກງານສຳຫຼວດ ແລະພັດທະນາທາງທໍລະນີວິທະຍາ ແລະແຮ່ປະຈຳມົນທົນເຫີໜານລະບຸວ່າ ປະລິມານຄຳສຳຮອງໂດຍປະລິມານຂອງບໍ່ດັ່ງກ່າວອາດສູງກວ່າ 50 ໂຕນພາຍໃນປີ 2021 ຫຼັງຈາກມີການດຳເນີນງານສຳຫຼວດເພີ່ມ.
  ທັງນີ້ ມົນທົນເຫີໜານເປັນສະຖານທີ່ຜະລິດຄຳຫຼາຍເປັນອັນດັບ 2 ຂອງຈີນ ມານານຫຼາຍທົດສະວັດໂດຍປີ 2016 ໜ່ວຍສໍາຫຼວດທໍລະນີວິທະຍາ ແລະບໍ່ແຮ່ທ້ອງຖິ່ນຄົ້ນພົບບໍ່ຄຳຂະໜາດໃຫຍ່ໃນບ້ານຖົງໄປ່ພ້ອມທັງປະລິມານຄຳສຳຮອງປະມານ 105 ໂຕນ.

----

ໜັງສືພິມ ເສດຖະກິດ-ສັງຄົມ

แชร์