Facebook ປ່ຽນຊື່ບໍລິສັດເປັນ “Meta” ສ່ວນຜະລິດຕະພັນຕ່າງໆຍັງໃຊ້ຊື່ເກົ່າ

  ພາຍຫຼັງທີ່ມີກະແສກ່ຽວກັບການປ່ຽນຊື່ກ່ຽວກັບເຟສບຸກເຮັດໃຫ້ຫຼາຍຄົນຕົກໃຈ, ຊຶ່ງຫຼ້າສູດ Mark Zuckerberg ເຈົ້າຂອງບໍລິສັດໄດ້ອອກມາປະກາດຊື່ບໍລິສັດຈາກ “Facebook” ເປັນ “Meta” ຊຶ່ງມີຜົນໃນວັນທີ 29 ຕຸລາ 2021 ນີ້ ແຕ່ຜະລິດຕະພັນຕ່າງໆທີ່ເປັນສື່ສັງຄົມອອນລາຍໃນບໍລິສັດຍັງໃຊ້ຊື່ເກົ່າ.
Metaverse ຈະເປັນສັງຄົມຂອງພື້ນທີ່ 3 ມິຕິ ທີ່ທ່ານສາມາດແບ່ງປັນປະສົບການສະເໝືອນຈິງກັບຄົນອື່ນໆໄດ້, ເຖິງແມ່ນວ່າທ່ານຈະບໍ່ໄດ້ຢູ່ນຳກັນ ແລະເຮັດສິ່ງທີ່ຕ່າງໆ ທີ່ທ່ານບໍ່ສາມາດເຮັດໄດ້ໃນໂລກທາງກາຍະພາບ (ໂລກຄວາມເປັນຈິງ) ຮ່ວມກັນ.


 ໃນວັນທີ 29 ຕຸລາ 2021 ນີ້ ທີ່ງານ Connect, ຜູ້ບໍລິຫານສູງສຸດ ທ່ານ ມາກ ຊັກເຄີເບີກ ໄດ້ແນະນຳ Meta ຊຶ່ງໄດ້ນໍາເອົາແອັບ ແລະເຕັກໂນໂລຊີລວມເຂົ້າກັນພາຍໃຕ້ແບຮນຂອງບໍລິສັດໃໝ່. ຈຸດສຸມຂອງ Meta ຈະເປັນການສ້າງໂລກໃຫ້ເໝືອນຈິງ (Metaverse) ໃຫ້ເປັນຈິງ ແລະຊ່ວຍເຊື່ອມຕໍ່ຜູ້ຄົນ, ຄົ້ນຫາຊຸມຊົນ ແລະຂະຫຍາຍທຸລະກິດອີກດ້ວຍ.
 ງານ Connect ປະຈຳປີຂອງ Facebook ຫຼື Meta ເປັນການລວມຕົວກັນຂອງນັກພັດທະນາດ້ານ AR ແລະ VR, ຜູ້ສ້າງເນື້ອຫາ, ນັກການຕະຫຼາດ, ແລະອື່ນໆ ເພື່ອສະເຫຼີມສະຫຼອງການຂັບເຄື່ອນ ແລະການເຕີບໂຕຂອງອຸດສະຫະກຳ. ງານໃນປີນີ້ໄດ້ສະແດງໃຫ້ເຫັນວ່າປະສົບການການໃຊ້ງານໃນໂລກໃຫ້ເໝືອນຈິງເປັນແນວໃດທີ່ຈະເກີດຂຶ້ນໃນທົດສະວັດທີ່ຈະມາເຖິງ-ຈາກການເຊື່ອມຕໍ່ກັນທາງສັງຄົມສູ່ຄວາມບັນເທີງ, ເກມ, ການອອກກຳລັງກາຍ, ການເຮັດວຽກ, ການສຶກສາ, ແລະການຄ້າ. ນອກຈາກນີ້, ພວກເຮົາຍັງໄດ້ປະກາດເຄື່ອງມືໃໝ່ໆເພື່ອຊ່ວຍຜູ້ຄົນໃນການສ້າງໂລກໃຫ້ເໝືອນຈິງລວມມີ Presence Platform ທີ່ຈະເປີດປະສົບການໃໝ່ຂອງຄວາມເປັນຈິງແບບປະສົມປະສານ (Mixed Reality) ໃນ Quest 2 ແລະການລົງທຶນ 150 ລ້ານໂດລາ ໃນການຮຽນຮູ້ແບບປະສົມປະສານເພື່ອຝຶກຝົນຜູ້ສ້າງເນື້ອຫາລຸ້ນຕໍ່ໄປ.
   ທ່ານສາມາດຮັບຊົມ Connect keynote ສະບັບເຕັມ ແລະຮຽນຮູ້ວ່າໂລກໃຫ້ເໝືອນຈິງຈະປົດລັອກໂອກາດໃໝ່ໆໄດ້ແນວໃດ. ນອກຈາກນີ້, ທ່ານຍັງສາມາດຮຽນຮູ້ເພີ່ມຕື່ມກ່ຽວກັບວຽກງານຂອງພວກເຮົາໃນເດືອນທີ່ຜ່ານມາໃນການພັດທະນາ ແບຣນ Meta ໃນການອອກແບບ Blog ຂອງພວກເຮົາ.
  ໂຄງສ້າງອົງກອນຂອງພວກເຮົາບໍ່ໄດ້ປ່ຽນແປງ, ແນວໃດກໍຕາມ, ວິທີການລາຍງານກ່ຽວກັບການເງິນຂອງພວກເຮົາແມ່ນຈະເລີ່ມຈາກຜົນໄດ້ຮັບສຳລັບໄຕມາດທີ 4 ຂອງປີ 2021.


   ພວກເຮົາໄດ້ວາງແຜນທີ່ຈະລາຍງານ 2 ພາກສ່ວນປະຕິບັດການຄື: Family of Apps ແລະ Reality Labs. ນອກຈາກນີ້, ພວກເຮົາຍັງໄດ້ຕັ່ງໃຈທີ່ຈະເລີ່ມການຊື້ຂາຍພາຍໃຕ້ລາຄາຮຸ້ນໃໝ່ທີ່ພວກເຮົາໄດ້ສະຫງວນໄວ້, Meta, ໃນວັນທີ 1 ເດືອນທັນວາ. ຊຶ່ງການປະກາດໃນມື້ນີ້ຈະບໍ່ມີຜົນຕໍ່ວິທີທີ່ພວກເຮົາໃຊ້ ຫຼືແບ່ງປັນຂໍ້ມູນ.
   ສາມາດເບິ່ງເພີ່ມຕື່ມທີ່: Building the Metaverse Responsibly, Expanding Horizon: New Funding to Support Creators, Introducing Our New Company Brand (2019)]
Meta ໄດ້ສ້າງເຕັກໂນໂລຊີທີ່ຊ່ວຍເຊື່ອມຕໍ່ຜູ້ຄົນ, ຄົ້ນຫາຊຸມຊົນ, ແລະຂະຫຍາຍທຸລະກິດ. ເມື່ອ Facebook ເປີດໂຕໃນປີ 2004, ມັນໄດ້ປ່ຽນວິທີທີ່ຜູ້ຄົນເຊື່ອມຕໍ່ກັນ. ແອັບຕ່າງໆເຊັ່ນ: Messenger, Instagram, ແລະ WhatsApp ໄດ້ເພີ່ມຂີດຄວາມສາມາດໃຫ້ກັບຜູ້ຄົນນັບພັນລ້ານຄົນໃນທົ່ວໂລກ. ຕອນນີ້, Meta ໄດ້ກ້າວໄປໄກກວ່າໜ້າຈໍ 2 ມິຕິ ໄປສູ່ປະສົບການທີ່ເລິກເຊິ່ງກວ່າເຊັ່ນ: ການເພີ່ມ ແລະຄວາມເປັນຈິງສະເໝືອນ (AR, VR) ເພື່ອຊ່ວຍສ້າງວິວັດທະນາການຂັ້ນຕໍ່ໄປໃນສັງຄົມເຕັກໂນໂລຊີ.

แชร์