ໂພນທອງທະລຸທາງເຂົ້າເຂດຜະລິດ

ຂ່າວ: ສີສຸວັນ 

ເພື່ອແນໃສ່ອໍານວຍຄວາມສະດວກສະບາຍໃຫ້ກັບຊາວກະສິກອນໃນການເຂົ້າເຖິງເຂດທໍາການປະລິດໂດຍສະເພາະແມ່ນປະຊາຊົນບ້ານພູຍີທາງ ເມືອງໂພນທອງ ໄດ້ໃຊ້ງົບປະມານ 400 ລ້ານກວ່າກີບ ສົມທົບກັບເງິນປະຊາຊົນທະລຸເສັ້ນທາງເຂົ້າຫາເຂດທໍາການຜະລິດໂດຍແມ່ນບໍລິສັດ ດີເອັສແອວ ກໍ່ສ້າງຂົວທາງ ຈໍາກັດ ເປັນຜູ້ຮັບເໝົາຄາດໃຫ້ສໍາເລັດໃນທ້າຍເດືອນທັນວາ 2021 ນີ້.

ຫຼ່ງຂ່າວຈາກເມືອງໂພນທອງ ແຂວງຫຼວງພະບາງ ໄດ້ແຈ້ງໃຫ້ຮູ້ວ່າງບໍ່ດົນນີ້ວ່າ: ເພື່ອເຮັດໃຫ້ການເຂົ້າເຖິງເຂດການຜະລິດຂອງປະຊາຊົນບ້ານພູຍີໃຫ້ມີຄວມສະດວກ ສະບາຍທາງຄະນະນໍາຂອງເມືອງໂພນທອງ ໄດ້ໃຊ້ງົບປະມານທັງໝົດ 408 ລ້ານກວ່າກີບ, ໃນນີ້ທຶນປະກອບ ສ່ວນຂອງປະຊາຊົນ 11 ລ້ານກວ່າກີບ, ທະລຸເສັ້ນທາງເຂົ້າຫາເຂດທໍາການຜະລິດໂດຍແມ່ນບໍລິສັດ ດີເອັສແອວ ກໍ່ສ້າງຂົວທາງ ຈໍາກັດ ເປັນຜູ້ຮັບເໝົາກໍ່ສ້າງ, ເສັນທາງດັ່ງກ່າວມີຄວາມຍາວ 4,5 ກິໂລແມັດ, ໜ້າທາງກວ້າງ 3,5 ແມັດ, ວາງທໍ່ລອດທາງ 4 ຈຸດ, ຊຶ່ງໄດ້ເລີ່ມລົງມື້ກໍ່ສ້າງມາ ແຕ່ວັນທີ 15 ກັນຍາ 2021 ຄາດຄະເນຈະໃຫ້ສຳເສັດໃນຕົນເດືອນທັນວາ 2021 ນີ້.

ໃນໂອກາດ ທ່ານ ຕຸ້ຍ ວົງສອນໄທ ຫົວໜ້າຫ້ອງການໂຍທິການ ແລະຂົນສົ່ງເມືອງໂພນທອງ ພ້ອມດ້ວຍຄະນະກອງທຶນຫຼຸດຜອນຄວາມທຸກຍາກ (ທລຍ) ປະຈຳເມືອງໂພນທອງລົງຕິດຕາມກວດກາຄວາມຄືບໜ້າການທະລຸທາງເຂົ້າຫາເຂດການຜະລິດຂອງ ບ້ານພູຍີ ທ່ານຍັງໄດ້ຊີ້ນໍາໃຫ້ຄະນະຮັບພິດຊອບຈົ່ງເອົາໃຈໃສ່ເພື່ອໃຫ້ສໍາເລັດ ແລະນໍາໃຊ້ໄດ້ໃນທ້າຍປີນີ້.

แชร์