ພະນັກງານການຄ້າຊຽງຂວາງຮັບເງິນກູ້

ໃນວັນທີ 22 ຕຸລາ 2021, ທະນາຄານຮ່ວມທຸລະກິດລາວ-ຫວຽດ ຈໍາກັດ ສາຂາຊຽງຂວາງໄດ້ຈັດພິທີເຊັນສັນຍາຮ່ວມມືສະໜອງເງິນກູ້ໃຫ້ແກ່ພະນັກງານວິຊາການຂອງພະແນກອຸດສາຫະກໍາ ແລະການຄ້າແຂວງຊຽງຂວາງ.

ຕາງໜ້າ LaoVietBank, ໃຫ້ກຽດລົງນາມໂດຍ ທ່ານ ດິງ ຮຸ່ງ, ຮອງຫົວ ໜ້າສາຂາຊຽງຂວາງກັບ ທ່ານ ທອງສະຫວັດ ມັງໜໍ່ເມກ, ຫົວໜ້າພະແນກອຸດສາຫະກໍາ ແລະການຄ້າແຂວງຊຽງຂວາງພ້ອມດ້ວຍພະນັກງານທັງສອງຝ່າຍເຂົ້າຮ່ວມເປັນສັກຂີພິຍານ.

ການສັນຍາຮ່ວມມືໃນຄັ້ງນີ້, ແມ່ນເປັນພື້ນຖານໃຫ້ແກ່ພະນັກງານວິຊາການພາຍໃນພະແນກອຸດສາຫະກໍາ ແລະການຄ້າແຂວງຊຽງຂວາງສາມາດເຂົ້າຫາແຫຼ່ງທຶນໄດ້ຢ່າງງ່າຍດາຍ, ສະດວກໃນການກູ້ຢືມເພື່ອໝູນໃຊ້ທຶນເຂົ້າໃນການສ້າງເສດຖະກິດຄອບຄົວ ແລະ ແກ້ໄຂຊີວິດການເປັນຢູ່ໃຫ້ດີຂຶ້ນເທື່ອລະກ້າວ, ຂະນະທີ່, LaoVietBank ພວກເຮົາກໍ່ພ້ອມ ແລ້ວທີ່ຈະສະໜອງຜະລິດຕະພັນການບໍລິ ການຂອງທະນາຄານໃຫ້ກັບລູກຄ້າ.

แชร์