ເສີມສ້າງຮ່ວມມືເພື່ອແມ່ ແລະເດັກໃນລາວ

 ວັນທີ 26 ຕຸລາ 2021 ກະຊວງແຜນການ ແລະການລົງທຶນຮ່ວມກັບອົງການສະຫະປະຊາຊາດ UNFPA ໄດ້ຈັດກອງປະຊຸມສື່ມ່ວນຊົນການສົ່ງເສີມສຸຂະພາບທາງເພດ ແລະສຸຂະພາບຈະເລີນພັນ ແລະສິດທິຂອງແມ່ຍິງເພື່ອບັນລຸຜົນຕາມຄວາມມຸງໝັ້ນຕໍ່ ICPD ໂດຍການເປັນປະທານຂອງທ່ານ ນາງ ພອນວັນ ອຸທະວົງ ຮອງລັດຖະມົນຕີກະຊວງແຜນການ ແລະການລົງທຶນ, ທ່ານ ມາຣຽມ ເອຄານ ຜູ້ຕາງໜ້າອົງການສະຫາປະຊາຊາດເພື່ອກອງທຶນສໍາລັບປະຊາກອນປະຈໍາລາວ,ທ່ານ ນາງ ວົງເດືອນ ສີປະເສີດ ອຸນາພົມ ຮອງຫົວໜ້າພະແນກວາງແຜນພັດທະນາຂົງເຂດສັງຄົມກະຊວງແຜນການ ແລະການລົງທຶນ, ມີທ່ານ ດຣ ພອນປະເສີດ ພອນປະເສີດ ອຸນາພົມ ຫົວໜ້າກົມສົ່ງເສີມສຸຂະພາບ ແລະສຸຂະນະໄມກະຊວງສາທາລະນະສຸກພ້ອມດ້ວຍສື່ມ່ວນຊົນເຂົ້າຮ່ວມ.

   ທ່ານນາງ ພອນວັນ ອຸທະວົງ ການຈັດອງປະຊຸມດັ່ງກ່າວເພື່ອເພີ່ມຄວາມຮັບຮູ້ ແລະ ຄວາມເຂົ້າໃຈໃຫ້ກັບບັນດານັກຂ່າວຕໍ່ຄວາມສຳຄັນຂອງບັນຫາສຸຂະພາບທາງເພດ ແລະສຸຂະພາບຈະເລີນພັນ, ການໃຊ້ຄວາມຮຸນແຮງທາງເພດ, ການພັດທະນາ ແລະປະຊາກອນຊຶ່ງເປັນຈຸດໃຈກາງຂອງ ICPD ລວມ ທັງຜົນກະທົບຂອງພະຍາດໂຄວິດ-19 ໃນຂົງເຂດດັ່ງກ່າວ, ນອກນັ້ນໃນກອງປະຊຸມດັ່ງກ່າວຍັງໄດ້ປຶກສາຫາລື ແລະເສີມສ້າງການຮ່ວມມືກັບສື່ມວນຊົນໃນການສົ່ງເສີມ ແລະເລັ່ງລັດການຈັດຕັ້ງປະຕິບັດ ICPD ແລະສິດທິການນາງນ້ອຍເພື່ອບັນລຸກອບແຜນງານນາງນ້ອຍໃນປີ 2030.

   ທ່ານ ນາງ ມາຣຽມ ເອຄານ ກ່າວວ່າ: “ສື່ມວນຊົນມີບົດບາດສຳຄັນໃນການປັບທັດສະນະຂອງປະຊາຊົນ. ສື່ມວນຊົນຍັງມີບົດບາດສຳຄັນໃນການສົ່ງເສີມສິດທິ ແລະສຸຂະພາບທາງເພດ ແລະສຸຂະພາບຈະເລີນພັນໂດຍການເຜີຍແຜ່ຂໍ້ມູນຂ່າວສານກ່ຽວກັບການບໍລິການສຸຂະພາບທີ່ຖືກຕ້ອງ.ວິທີແກ້ໄຂ ແລະນະວັດຕະກຳໃໝ່ທີ່ກ່ຽວກັບ ICPD25 ໄດ້ລວມເຂົ້ມໃນແຜນພັດທະນາເສດຖະກິດ-ສັງຄົມ, ນະໂຍບາຍດ້ານປະ ຊາກອນ, ແຜນຈັ້ດຕັ້ງປະຕິບັດກ່ຽວກັບ ຄວາມສະເໝີພາບລະຫວ່າງຍິງ-ຊາຍ ຄັ້ງທີ 4 ແລະ ແຜນຈັດຕັ້ງປະຕິບັດເພື່ອລຶບລ້າງການໃຊ້ຄວາມຮຸນແຮງຕໍ່ແມ່ຍິງ, ແຜນຂະແໜງການສາທາລະນະສຸກ, ຍຸດທະສາດວ່າດ້ວຍສຸຂະພາບຈະເລີນພັນ, ສຸຂະພາບແມ່ ແລະເດັກເກີດໃໝ່, ຍຸດທະສາດວ່າດ້ວຍການພັດທະນາໄວໜຸ່ມ ແລະເຍົາວະຊົນ ແລະອື່ນໆ.

   ການຈັດຕັ້ງແຜນງານ ICPD ແມ່ນມີຄວາມໂດດເດັ່ນໃນການຮັບຮູ້ສິດທິ, ສຸຂະພາບຈະເລີນພັນ, ການສ້າງຄວາມເຂັ້ມແຂງໃຫ້ແກ່ແມ່ຍິງ ແລະຄວາມສະເໝີພາບລະຫວ່າງຍິງ-ຊາຍ. ສປປ ລາວ ເປັນປະເທດໜຶ່ງທີ່ໄດ້ລົງນາມໃນ ICPD ແລະໃຫ້ຄຳໝັ້ນໝາຍວ່າຈະຢຸດຕິອັດຕາການເສຍຊີວິດຂອງແມ່, ຢຸດຕິຄວາມຕ້ອງການວາງແຜນຄອບຄົວແຕ່ບໍ່ໄດ້ຮັບການສະໜອງ, ຢຸດຕິການໃຊ້ຄວາມຮຸນແຮງທາງເພດ ແລະການປະຕິບັດທີ່ເປັນອັນຕະລາຍອື່ນໆ.

แชร์