ຝຣັ່ງແຈກເງິນຊ່ວຍເຫຼືອນໍ້າມັນແພງ

  ຈາກກໍລະນີຄວາມຕ້ອງການນໍ້າມັນເພີ່ມສູງຂຶ້ນຕາມແນວທາງການຟື້ນຟູປະເທດຫຼັງຈາກສະຖານະການການແພ່ລະບາດຂອງເຊື້ອໂຄວິດ-19 ຈົນເຮັດໃຫ້ລາຄານໍ້າມັນ ແລະແກ໊ສເພີ່ມສູງຂຶ້ນ.
  ຕາມຂ່າວຕ່າງປະເທດລາຍງານວ່າ ລັດຖະບານຝຣັ່ງໄດ້ປະກາດຈ່າຍເງິນຊ່ວຍເຫຼືອປະຊາຊົນແບບຄັ້ງດຽວຄົນລະ 100 ເອີໂຣ ໂດຍເງື່ອນໄຂຜູ້ທີ່ຈະໄດ້ຮັບເງິນຄືຜູ້ທີ່ມີລາຍໄດ້ຕໍ່ເດືອນຕໍ່າກວ່າ 2.000 ເອີໂຣ ຕໍ່ເດືອນ, ລັດຖະບານຝຣັ່ງ ຊີ້ແຈງວ່າ ເງິນຊ່ວຍເຫຼືອຈະມອບໃຫ້ຜູ້ທີ່ໄດ້ຮັບຜົນກະທົບທັງໝົດເຖິງແມ່ນວ່າຈະບໍ່ມີລົດໃຫຍ່ ແລະລົດຈັກ ແລະບໍ່ມີການຄິດໄລ່ພາສີພ້ອມປະເມີນຜູ້ທີ່ມີສິດໄດ້ຮັບເງິນປະມານ 38 ລ້ານຄົນ ຊຶ່ງເບື້ອງຕົ້ນລວມເຖິງຜູ້ສູງອາຍຸ 13 ລ້ານຄົນ, ນັກຮຽນປະມານ 2 ໃນ 3 ລວມທັງກຸ່ມແຮງງານໃນຝຣັ່ງປະມານ 50% ມີລາຍໄດ້ໜ້ອຍກວ່າ 2.000 ເອີໂຣຕໍ່ເດືອນ ໂດຍທັງນີ້ ເງິນຈະໃຊ້ຈ່າຍໃຫ້ປະຊາຊົນພາຍໃນເດືອນທັນວານີ້ເລີ່ມຈາກພະລັງງານບໍລິສັດ, ຂະນະທີ່ພະນັກງານລັດຖະກອນ, ພະນັກງານບໍານານ ແລະນັກຮຽນຈະໄດ້ຮັບເງິນໃນຕົ້ນປີ 2022.
  ທັງນີ້ ລັດຖະບານຝຣັ່ງຈະເລືອກຕັ້ງໃນອີກ 6 ເດືອນຕໍ່ໜ້າທ່າມກາງສະຖານະການການປະທ້ວງທີ່ເລີາມຮ້າຍແຮງຂຶ້ນເລື້ອຍໆຈາກບັນຫາລາຄາພະລັງງານເພີ່ມສູງຂຶ້ນ.

----

ໜັງສືພິມ ເສດຖະກິດ-ສັງຄົມ

แชร์