ເອັດ ຊີແຣນ ນັກຮ້ອງດັງຄົນອັງກິດຕິດເຊື້ອໂຄວິດ

  ເອັດເວິດ ຄຣິສໂຕເຟີ ຊີແຣນ ຫຼື ທີ່ຮູ້ຈັກກັນໃນຊື່ ເອັດຊີແຣນນັກຮ້ອງດັງຄົນອັງກິດເຈົ້າຂອງເພງຮິດຕິດອັນດັບຖືກກວດພົບວ່າຕິດເຊື້ອພະຍາດໂຄວິດ-19.

  ຊີແຣນ ກ່າວເລື່ອງລາວດັ່ງກ່າວເທິງອິນສະຕຣາແກມຂອງຕົນເອງໂດຍລະບຸວ່າ ລາວຈະຍັງເຮັດວຽກຕໍ່ໄປທັງການໃຫ້ສຳພາດ ຕາມແຜນການທີ່ວາງໄວ້ລວມທັງສະແດງດົນຕີຢູ່ເຮືອນຂະນະກັກຕົວ ແລະຈະປະຕິບັດຕາມມາດຕະການຕ່າງໆທີ່ລັດຖະບານກຳນົດ, ຊີແຣນ ອາໄສຢູ່ເຮືອນໃນ ແຟຣມແຮມ ຊັບຟອກໄດ້ກ່າວຂໍໂທດຕໍ່ທຸກຄົນທີ່ລາວເຮັດໃຫ້ຜິດຫວັງທີ່ລາວບໍ່ສາມາດເຮັດຕາມແຜນການທີ່ຈະພົບກັບຫັນຕາມທີ່ສັນຍາໄວ້ພ້ອມທັງອວຍພອນໃຫ້ທຸກຄົນປອດໄພ, ທັງນີ້ ຊີແຣນ ມີແຜນປ່ອຍອາລະບໍ້າໃໝ່ໃນວັນທີ 29 ຕຸລານີ້ ເຮັດໃຫ້ລາວມີແຜນທີ່ຈະໄປຮ່ວມໂຄສະນາອາລະບໍ້າຂອງຕົນເອງລວມເຖິງພົບປະໂອລົມກັບແຟນເພງໃນອາທິດໜ້າ ຊຶ່ງຕ້ອງປັບປ່ຽນວິທີໃຫ້ສອດຄ້ອງກັບມາດຕະການສຳລັບຄົນເຈັບທີ່ຕິດເຊື້ອໂຄວິດຕໍ່ໄປ.

----

ໜັງສືພິມ ເສດຖະກິດ-ສັງຄົມ

• 26/10/2021