ໂຄໂລບີ ຈັບກຸມຫົວໜ້າຄ້າຢາເສບຕິດລາຍໃຫຍ່ສຸດ

  ທາງການໂຄໂລມບີ ຈັບກຸມຫົວໜ້າແກ້ງຄ້າຢາເສບຕິດລາຍໃຫຍ່ທີ່ສຸດຂອງປະເທດໄດ້ບໍລິເວນຊາຍແດນ ປານາມາ ເປັນຜູ້ທີ່ອາເມລິກາຕັ້ງຄ່າຫົວນໍາຈັບສູງເຖິງ 5 ລ້ານໂດລາສະຫະລັດ.
  ຕາມຂ່າວຕ່າງປະເທດລາຍງານວ່າ ທ່ານ ອີບານ ດູເກ ມາເກ ປະທານາທິບໍດີຂອງໂຄໂລມບີກ່າວວ່າ ເປັນປະຕິບັດການຈັດການກັບແກ້ງຄ້າຢາເສບຕິດຄັ້ງໃຫຍ່ທີ່ສຸດຂອງປະເທດໃນສັດຕະວັດນີ້ ການຈັບກຸມ ທ້າວ ໄດໂຣ ອັນໂຕນີໂອ ອູຊູກາ ຫົວໜ້າແກ້ງກັລແຄລນ ທີ່ເປັນແກ້ງຄ້າຢາເສບຕິດໃຫຍ່ທີ່ສຸດຂອງໂຄໂລມບີເປັນເລື່ອງໃຫຍ່ພໍໆກັບການປິດສາກທ້າວປາໂບລ ເອສໂຄບາ ຣາຊາໂຄເຄນ ຄົນໂຄໂລມບີ ກ່ອນໜ້ານີ້, ເຈົ້າໜ້າທີ່ຈັບກຸມທ້າວ ອູຊູກາ ອາຍຸ 50 ປີ ທີ່ຮູ້ຈັກໃນຊື່ ໂອໂຕນຽວ ໃກ້ແຫຼ່ງຊຸກຊ່ອນແຫ່ງໜຶ່ງໃນເມືອງເນໂກລີ ທາງພາກຕາເວັນຕົກສຽງເໜືອຂອງປະເທດ ໃກ້ກັບຊາຍແດນປານາມາພ້ອມທັງເປີດເຜີຍຮູບພາບໃສ່ກະແຈມື ໂດຍມີທະຫານຄຸ້ມກັນ ທາງການຈະສົ່ງຕົວໃນຖານະຜູ້ຮ້າຍຂ້າມແດນໄປຍັງອາເມລິກາທີ່ຕັ້ງຄ່າຫົວນໍາຈັບ 5 ລ້ານໂດລາ ແລະຟ້ອງດຳເນີນຄະດີຕັ້ງແຕ່ປີ 2009.
  ລັດຖະບານໂຄໂລມບີລະບຸວ່າ ແກ້ງກັລແຄລນທີ່ໄດ້ເງິນຈາກແກ້ງຄ້າຢາເສບຕິດ, ເຮັດບໍ່ແຮ່ເຖື່ອນ ແລະກໍ່ຄວາມວຸ້ນວາຍ ເປັນຕົ້ນເຫດໜຶ່ງທີ່ເຮັດໃຫ້ເກີດຄວາມຮຸນແຮງທົ່ວປະເທດ ແກ້ງນີ້ມີສະມາຊິກກະຈາຍຢູ່ເກືອບ 300 ແຫ່ງ.

----

ໜັງສືພິມ ເສດຖະກິດ-ສັງຄົມ

แชร์