ໄທອະນຸຍາດໃຫ້ 46 ປະເທດເຂົ້າປະເທດໄດ້ໂດຍບໍ່ຕ້ອງກັກບໍລິເວນ

  ໄທອະນຸຍາດໃຫ້ປະຊາຊົນຂອງ 46 ປະເທດ ແລະເຂດແຄວ້ນເຂົ້າປະເທດຕົນໂດຍບໍ່ຕ້ອງກັກບໍລິເວນນັບແຕ່ເດືອນພະຈິກນີ້ເປັນຕົ້ນໄປ.

  ຕາມຂ່າວຕ່າງປະເທດລາຍງານວ່າ ທ່ານ ປຣະຢຸດ ຈັນໂອຊາ ນາຍົກລັດຖະມົນຕີໄທໄດ້ ແຈ້ງຂ່າວຜ່ານທາງສື່ສັງຄົມອອນລາຍວ່າ: ເພື່ອຟື້ນຟູຂະແໜງການ ທ່ອງທ່ຽວຂອງໄທ, ຊຸກຍູ້ເສດຖະກິດແຫ່ງຊາດໄທ, ນັບແຕ່ວັນທີ1 ພະຈິກປີນີ້ເປັນຕົ້ນໄປ, ຈະອະນຸ ຍາດໃຫ້ປະຊາຊົນຂອງ 46 ປະເທດ ແລະແຂດແຄວ້ນເດີນ ທາງເຂົ້າປະເທດໄທໄດ້ໂດຍບໍ່ຕ້ອງກັກບໍລິເວນ, ໂດຍເພີ່ມຂຶ້ນຈາກ 10 ປະເທດ ແລະເຂດແຄວ້ນທີ່ໄດ້ປະກາດໃນກ່ອນໜ້ານີ້ເປັນ 46 ປະເທດ ແລະເຂດແຄວ້ນແຕ່ມີເງື່ອນໄຂກໍ່ຄື: ບຸກຄົນທີ່ເດີນທາງມາຈາກປະເທດທີ່ມີຄວາມສ່ຽງຕ່ຳໃນການແຜ່ລະບາດຂອງພະຍາດໂຄວິດ-19 ຕ້ອງໄດ້ຮັບການຮັບຮອງຈາກໄທ, ຕ້ອງໄດ້ສັກວັກແຊງຮຽບຮ້ອຍ, ຕ້ອງມີໃບຢັ້ງຢືນຜົນການກວດໄວຣັດໂຄວິດ-19 ເປັນລົບເດີນທາງເຂົ້າສູ່ໄທດ້ວຍເຮືອບິນ, ຫຼັງຈາກເຂົ້າສູ່ໄທແລ້ວຍັງຕ້ອງກວດຫາໄວຣັດໂຄວິດ-19 ອີກຄັ້ງໜຶ່ງ.

  ຕາມບັນຊີລາຍຊື່ທີ່ກະຊວງ ການຕ່າງປະເທດໄທໄດ້ປະກາດໃນມື້ດຽວກັນ, ນັກທ່ອງທ່ຽວຈາກປະເທດ ແລະເຂດແຄວ້ນທີ່ໄດ້ຮັບການຍົກເລີກການກັກບໍລິເວນຊຸດ ທຳອິດລວມມີ: ສປ ຈີນ, ເຂດຮົງກົງ, ສິງກະໂປ, ຍີ່ປຸ່ນ, ສ. ເກົາຫຼີ, ມາເລເຊຍ, ກຳປູເຈຍ, ອັງກິດ, ອາເມລິກາ, ການາດາ, ອົດສະຕຣາລີ, ຝຣັ່ງ, ເຢຍລະມັນ, ອີຕາລີ, ແອັດສະປາຍ, ຊູແອັດ ແລະປະເທດອື່ນໆ.

----

ໜັງສືພິມ ເສດຖະກິດ-ສັງຕົມ

แชร์