WHO ເຕືອນ ໂຄວິດອາດລະບາດຕໍ່ເນື່ອງ ໄປເຖິງປີໜ້າ

  ອົງການອະນາໄມໂລກ (ຮູ) ເຕືອນວ່າ: ການລະບາດຂອງເຊື້ອໂຄວິດ-19 ອາດດຳເນີນຕໍ່ເນື່ອງໄປອີກ 1 ປີ ເນື່ອງຈາກປະເທດທຸກຍາກຍັງບໍ່ໄດ້ຮັບວັກແຊງທີ່ຈຳເປັນ.

  ຕາມຂ່າວຕ່າງປະເທດລາຍງານວ່າ ດຣ ບຣູ ອາຍເວິດ ຜູ້ບໍລິຫານລະດັບສູງຂອງອົງການອະນາໄມໂລກລະບຸວ່າ ເວລານີ້ມີປະຊາກອນບໍ່ເຖິງ 5% ໃນອາຟຣິກາທີ່ໄດ້ຮັບການສັກວັກແຊງແລ້ວທຽບໃສ່ທະວີບອື່ນໆທີ່ໄດ້ຮັບວັກແຊງແລ້ວປະມານ 40% ສົ່ງຜົນໃຫ້ມີທ່າອ່ຽງສູງທີ່ການລະບາດຂອງເຊື້ອໂຄວິດອາດແກ່ຍາວໄປຈົນເຖິງປີ 2022 ທ່ານຮຽກຮ້ອງໃຫ້ປະເທດຮັ່ງມີສະຫຼະສິດການຈອງວັກແຊງກັບບໍລິສັດຢາໃນໄລຍະທີ່ຜ່ານມາ ເພື່ອເອົາໄປຈັດສັນໃຫ້ປະເທດລາຍໄດ້ຕໍ່າສຸດແທນລວມທັງຮຽກຮ້ອງໃຫ້ປະເທດຮັ່ງມີເຮັດຕາມຄຳໝັ້ນສັນຍາທີ່ໃຫ້ໄວ້ໃນກອງປະຊຸມ ຈີ7 ຫຼື ກອງປະຊຸມອື່ນໆໃຫ້ບໍລິຈາກວັກແຊງຊ່ວຍເຫຼືອປະເທດທຸກຍາກທີ່ກຳລັງຂາດເຂີນ.

  ທັງນີ້ ກຸ່ມພັນທະມິດອົງກອນການກຸສົນເປີດເຜີຍຕົວເລກລະບຸວ່າ ປະຈຸບັນມີພຽງ 1 ໃນ 7 ຂອງ ວັກແຊງຈາກບໍລິສັດຢາ ແລະປະເທດຮັ່ງມີທີ່ສົ່ງໄປປະເທດທຸກ ຍາກຕາມທີ່ສັນຍາທີ່ໃຫ້ໄວ້.

----

ໜັງສືພິມ ເສດຖະກິດ-ສັງຄົມ

แชร์