ຜະລິດຕະພັນລາວຄຸນນະພາບດີໄປໄກຮອດຕ່າງແດນ

  ປະຈຸບັນຄົນລາວເຮົາສາມາດຜະລິດສິນຄ້າໄດ້ຫຼາກຫຼາຍຮູບແບບຜະລິດຕະພັນທີ່ເປັນເອກະລັກສະເພາະຂອງຄົນລາວພ້ອມດຽວກັນນັ້ນຍັງເນັ້ນເລື່ອງຄຸນນະ ພາບດີ ແລະໄດ້ຮັບການຢັ້ງຢືນຈາກພາກສ່ວນທີ່ກ່ຽວຂ້ອງ, ກິນແລ້ວປອດໄພ, ປັດສະຈາກສານປົນເປື້ອນສິ່ງດັ່ງກ່າວໄດ້ກາຍເປັນທ່າແຮງສ້າງຄວາມເຊື່ອໝັ້ ນໃຫ້ກັບລູກຄ້າເຮັດໃຫ້ສິນຄ້າຂອງຄົນລາວດັງໄກໄປຮອດຕ່າງປະເທດໂດຍສະເພາະຜະລິດຕະພັນຂອງບໍລິສັດມະໄລພອນການຄ້າຈຳກັດຜູ້ດຽວເປັນຕົ້ນຊາໝ າກແຄ້ງລາວ,ຊາໜອນໜ່າຍລາວ ແລະຜະລິດຕະພັນອື່ນໆ.

 ທ່ານ ນາງ ເພັງ ແສງດາລາ ປະທານບໍລິສັດມະໄລພອນການຄ້າຈຳກັດຜູ້ດຽວໃຫ້ສຳພາດວ່າ: ບໍລິສັດມະໄລພອນການຄ້າຈຳກັດຜູ້ດຽວຕັ້ງຢູ່ບ້ານຊຳເຄ້ ເມືອງໄຊ ເສດຖານະຄອນຫຼວງວຽງຈັນ ເປັນບໍລິສັດໜຶ່ງທີ່ຈຳໜ່າຍຜະລິດຕະພັນລາວ ແລະສົ່ງອອກຕ່າງປະເທດໂດຍຮູບການຜະລິດແມ່ນສົ່ງເສີມປະຊາຊົນປູກຕະ ຫຼອດຮອດການຂັ້ນຕອນການຜະລິດ ແລະເກັບຊື້ພ້ອມທັງເປັນຜູ້ທີ່ຊອກຫາຕະຫຼາດສຳລັບຜະລິດຕະພັນຂອງບໍລິສັດມີຫຼາຍກວ່າ 30 ລາຍການເປັນຕົ້ນຜ້າໄໝ, ຜ້າຝ້າຍ, ກາເຟ ແລະອື່ນໆຊຶ່ງຜະລິດຕະພັນທີ່ໄດ້ຜົນຕອບຮັບດີຈາກສັງຄົມພາຍໃນ ແລະຕ່າງປະເທດໃນປະຈຸບັນແມ່ນຊາໝາກແຄ້ງລາວມະໄລພອນ ແລະຊາໜອນໜ່າຍລາວມະໄລພອນ.

    ປະຈຸບັນສິນຄ້າຂອງບໍລິສັດມະໄລພອນແມ່ນໄດ້ກາຍເປັນທີ່ຮູ້ຈັກກັນຢ່າງຫຼວງຫຼາຍທັງຕະຫຼາດພາຍໃນ ແລະຕ່າງປະເທດໂດຍສະເພາະຊາໝາກແຄ້ງລາວ ແລະ ຊາໜອນໜ່າຍລາວທີ່ຕ່າງປະເທດໃຫ້ຄວາມສົນໃຈຫຼາຍສົມຄວນສະເພາະໃນປະເທດອາຊຽນກຳລັງເຂົ້າມາເບີ່ງສິນຄ້າເພື່ອຈະນຳໄປຈຳໜ່າຍ, ພ້ອມດຽ ວກັນນີ້ໃນຕໍ່ໜ້າບໍລິສັດມະໄລພອນຍັງຈະໃຫ້ມີນ້ຳຊາມະໄລພອນຢູ່ຮ້ານຊຸບເປີມາເກັດທົ່ວປະເທດ ແລະໃນມໍ່ໆນີ້ຈະເປີດຢູ່ທາດຫຼວງພລາຊາ.

  ສຳລັບຊາໝາກແຄ້ງລາວມະໄລພອນແມ່ນໄດ້ຜ່ານຂັ້ນຕອນການຜະລິດທີ່ມີຄຸນນະພາບ ແລະ ໄດ້ມາດຕະຖານຈາກຫ້ອງປຸງແຕ່ງຊຶ່ງຊາໝາກແຄ້ງມະໄລພອນມີສັບພະຄຸນຫຼາຍຢ່າງເປັນຕົ້ນບຳລຸງສາຍຕາ, ຄວບຄຸມຄວາມດັນ, ຊ່ວຍຫຼຸດທາດໄຂມັນ, ຊ່ວຍປ້ອງກັນແຜໃນກະເພາະອາຫານ, ລົດນ້ຳຕານໃນເລືອ ດ, ຊ່ວຍລະບົບຂັບຖ່າຍ ແລະອື່ນໆ, ປະຈຸບັນທາງບໍລິສັດໄດ້ມີການສົ່ງເສີມໃຫ້ປະຊາຊົນປູກໝາກແຄ້ງທົ່ວປະເທດເພື່ອສ້າງລາຍຮັບໃຫ້ເຂົາເຈົ້າ, ແນະນຳວິທີ ການເກັບ, ການຮັກສາ ແລະອື່ນໆ ພ້ອມທັງເກັບຊື້ນຳປະຊາຊົນແຕ່ ຕ້ອງເກັບຕາມບໍລິສັດແນະນຳ, ນອກນັ້ນທາງບໍລິສັດຍັງມີເນື້ອທີ່ ປູກເອງຈຳນວນໜຶ່ງ, ສ່ວນດ້ານການຜະລິດຂອງບໍລິສັດຖືວ່າພຽງພໍກັບຄວາມຕ້ອງການຂອງລູກຄ້າສັ່ງຊື້ຂໍພຽງແຕ່ມີຕະຫຼາດບໍລິສັດພ້ອມຜະລິດສິນຄ້າທີ່ມີຄຸນນະພາບດີສະໜອງພຽງພໍກັບຄວາມຕ້ອງ ການ.

   ທ່ານ ນາງ ເພັງ ແສງດາລາ ກ່າວຕື່ມວ່າ: ເນື່ອງໃນວັນແມ່ຍິງສາກົນຄົບຮອບ 109 ປີຂໍອວຍພອນໄຊໃຫ້ກັບແມ່ຍິງທົ່ວໂລກຈົ່ງມີຄວາມເຂັ້ມແຂງ,ມີຄຸນງາມຄວາມດີ, ມີຄວາມເຊື່ອໝັ້ນໃນຕົນເອງເຮັດວຽກຄຽງຄູ່ກັບທ່ານຊາຍໄປເລື້ອຍໆເພື່ອພັດທະນາຊ່ວຍກັນປະເທດຊາດໃຫ້ຈະເລີນຮຸ່ງເຮືອງຂຶ້ນເລື້ອຍໆ, ຊຶ່ງແມ່ຍິງປະຈຸບັນມີຄວາມເຕີບໂຕມີຄວາມກ້າ,ມີຄວາມເຂັ້ມແຂງ, ກ້າຕັດສິນໃຈ, ກ້າເຮັດ, ກ້າຄິດ, ກ້າຜະລິດຖືວ່າສູງຫຼາຍ ແລະເຫັນຫຼາຍໆບົດບາດຂອງແມ່ຍິງລາວເຮົາເປັນສິ່ງທີ່ດີຂໍສັນລະເສີນແມ່ຍິງລາວ ແລະທົ່ວໂລກ.

ຂ່າວ: ນສພ ເສດຖະກິດ-ສັງຄົມ

• 14/03/2019