ສະພາແຫ່ງຊາດ ຮັບເງິນຕ້ານໂຄວິດຈາກ CNP

ວັນທີ 15 ຕຸລາ 2021 ທີ່ຫ້ອງຮັບແຂກສະພາແຫ່ງຊາດໄດ້ມີພິທີ ມອບ-ຮັບເງິນສົດຈໍານວນ 20 ລ້ານກີບ ຈາກບໍລິສັດ CNP ສໍາຫຼວດຄຸດຄົ້ນບໍ່ແຮ່ຂາອອກ-ຂາເຂົ້າ ຈໍາກັດ ໃຫ້ແກ່ສະພາແຫ່ງຊາດເພື່ອເປັນການສົມທົບທຶນເຂົ້າກອງທຶນຊ່ວຍເຫຼືອສັງຄົມສະພາແຫ່ງຊາດນໍາໃຊ້ເຂົ້າໃນວຽກງານການຕ້ານ ແລະ ສະກັດກັ້ນການແຜ່ລະບາດຂອງ ພະຍາດໂຄວິດ-19 ຢູ່ ສປປ ລາວ.
  ໃນພິທີຄັ້ງນີ້, ຕາງໜ້າສະພາແຫ່ງຊາດກ່າວຮັບໂດຍທ່ານ ຄໍາໃບ ດໍາລັດ ຮອງປະທານປະທານສະພາແຫ່ງຊາດ ແລະມອບໂດຍຜູ້ຕາງໜ້າຈາກບໍລິສັດ CNP ສໍາຫຼວດຂຸດຄົ້ນບໍ່ແຮ່ຂາອອກ-ຂາເຂົ້າ ຈໍາກັດ ພ້ອມດ້ວຍພາກສ່ວນກ່ຽວຂ້ອງຂອງທັງສອງຝ່າຍເຂົ້າຮ່ວມເປັນສັກຂີພິຍານ.
   ຜູ້ຕາງໜ້າຈາກບໍລິສັດ CNP ສໍາຫຼວດຂຸດຄົ້ນບໍ່ແຮ່ຂາອອກ-ຂາເຂົ້າ ຈໍາກັດກ່າວວ່າ: ຈຳນວນເງິນທີ່ນຳມາມອບໃນຄັ້ງນີ້ເປັນການສະແດງເຖິງນໍ້າໃຈແບ່ງປັນຂອງບໍລິສັດ CNP ໃນການຮ່ວມແຮງຮ່ວມໃຈປະກອບສ່ວນສະໜັບສະໜູນການຈັດຕັ້ງປະຕິບັດວຽກງານການປ້ອງກັນ ແລະ ສະກັດກັ້ນການແຜ່ລະບາດເຊື້ອພະຍາດໂຄວິດ-19 ຂອງສະພາແຫ່ງຊາດກໍ່ຄືຂອງ ສປປ ລາວ.
ຈາກນັ້ນທ່ານ ຄໍາໃບ ດໍາລັດ ກໍ່ໄດ້ສະແດງຄວາມຂອບໃຈມາຍັງຜູ້ຕາງໜ້າຈາກບໍລິສັດ CNP ສໍາຫຼວດຂຸດຄົ້ນບໍ່ແຮ່ຂາອອກ-ຂາເຂົ້າ ຈໍາກັດ ທີ່ໄດ້ນຳເງິນມາມອບໃຫ້ສະພາແຫ່ງຊາດໃນຄັ້ງນີ້ ແລະມີຄວາມສຳຄັນຫຼາຍຕໍ່ວຽກງານການປ້ອງກັນ ແລະ ສະກັດກັ້ນການແຜ່ລະບາດເຊື້ອພະຍາດໂຄວິດ-19 ໃນປະເທດຂອງພວກເຮົາ, ເນື່ອງຈາກປະຈຸບັນພະຍາດດັ່ງກ່າວ ແມ່ນໄດ້ແຜ່ລາມເປັນ ວົງກວ້າງໃນເຂດຊຸມຊົນ ສະນັ້ນ, ເງິນຈໍານວນນີ້ແມ່ນເປັນການສົມທົບທຶນເຂົ້າກອງທຶນຊ່ວຍເຫຼືອສັງຄົມສະພາແຫ່ງຊາດເພື່ອນໍາໃຊ້ເຂົ້າໃນວຽກງານການຕ້ານ ແລະສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ ໃຫ້ເກີດປະໂຫຍດສູງສຸດ.

แชร์