ປກສ ນວ ຮັບເຄື່ອງຊ່ວຍເຫຼືອເພື່ອກັນໂຄວິດ

   ວັນທີ 18 ຕຸລາ 2021, ຢູ່ກອງບັນຊາການປ້ອງກັນຄວາມສະຫງົບນະຄອນຫຼວງວຽງຈັນ (ປກສ ນວ) ທ່ານ ນາງ ສ້ອຍສຸດາ ອິນເມືອງໄຊ ສະມາຊິກສະພາ ນະຄອນຫຼວງວຽງຈັນ ປະຈໍາເຂດເລືອກຕັ້ງເມືອງຫາດຊາຍຟອງພ້ອມດ້ວຍຄອບຄົວໄດ້ມອບຢາປິ່ນປົວພະຍາດ ຈໍານວນ 380 ກັບ ມູນຄ່າ 26,6 ລ້ານກີບ ໃຫ້ ປກສ ນວ, ກ່າວຮັບໂດຍ ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ, ມີຫົວໜ້າຫ້ອງ, ຮອງຫົວໜ້າຫ້ອງການ, ຫົວໜ້າກອງບັນຊາການ ປກສ ເມືອງສີສັດຕະນາກ ແລະພະນັກງານເຂົ້າຮ່ວມເປັນສັກຂີພິຍານ.

ທ່ານ ນາງ ສ້ອຍສຸດາ ອິນເມືອງໄຊ ກ່າວວ່າ: ການມອບເງິນ ແລະເຄື່ອງອຸປະໂພກ-ບໍລິໂພກໃນຄັ້ງນີ້ເພື່ອເປັນການປະກອບສ່ວນເຂົ້າໃນວຽກງານປ້ອງກັນຄວາມສະຫງົບນໍາໃຊ້ເຂົ້າໃນໜ້າທີ່ວຽກງານຂອງຕົນໂດຍສະເພາະການປ້ອງກັນ, ສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ບັນດາຈຸດຕ່າງໆ.

ພ້ອມດຽວກັນນີ້, ພັອ ສຸກພະຈັນ ບຸດດາຄໍາ ຕາງໜ້າຄະນະພັກ-ຄະນະບັນຊາ ໄດ້ກ່າວສະແດງຄວາມຂອບໃຈຕໍ່ທ່ານ ນາງ ສ້ອຍສຸດາ ອິນເມືອງໄຊ ທີ່ເຫັນໄດ້ຄວາມສຳຄັນຂອງວຽກງານ ປກສ ແລະ ຈະນຳເອົາເຄື່ອງອຸປະຖໍາທີ່ໄດ້ຮັບໃນຄັ້ງນີ້ໄປແຈກຢາຍໃຫ້ກຳລັງທີ່ປະຕິບັດໜ້າທີ່ຕົວຈິງຢູ່ຈຸດທີ່ມີຄວາມສ່ຽງຕໍ່ການຕິດ ເຊື້ອພະຍາດໂຄວິດ-19 ແລະຂໍອວຍພອນໃຫ້ທ່ານ ນາງ ສ້ອຍສຸດາ ອິນເມືອງໄຊ ພ້ອມດ້ວຍຄະນະຕະຫຼອດຮອດພະນັກງານທຸກຄົນຈົ່ງມີສຸຂະພາບແຂງແຮງ, ປະສົບຜົນສຳເລັດໃນການເຮັດທຸລະກິດຍິ່ງໆຂຶ້ນໄປ.

ໃນຕອນທ້າຍ ພັອ ສຸກພະຈັນ ບຸດດາຄໍາ ໄດ້ມອບໃບຍ້ອງຍໍໃຫ້ທ່ານ ນາງ ສ້ອຍສຸດາ ອິນເມືອງໄຊ ເພື່ອຢັ້ງຢືນການປະກອບສ່ວນສັງຄົມ ແລະຄຸນງາມຄວາມດີຕື່ມອີກ.

แชร์