ມູນຄ່າການຄ້າຫວຽດນາມ- ມຽນມາ ຈະເພີ່ມຂຶ້ນ 1 ຕື້ໂດລາ

ວັນທີ 12 ມີນາ ຢູ່ນະຄອນຫຼວງຮ່າໂນ້ຍ, ທ່ານຮອງນາຍົກລັດຖະມົນຕີ ລັດຖະມົນຕີການ ຕ່າງປະເທດ ສສ ຫວຽດນາມ ຟ້າມບີງມີງ ແລະ ທ່ານ U Kyaw Tin ລັດຖະມົນຕີກະຊວງຮ່ວມມື ສາກົນມຽນມາໄດ້ເປັນປະທານຮ່ວມກອງປະຊຸມຄັ້ງທີ 9 ຄະນະກຳມະການປະສົມກ່ຽວກັບການ ຮ່ວມມືສອງຝ່າຍ ຫວຽດນາມ-ມຽນມາ.

ຕາມຂ່າວຕ່າງປະເທດລາຍງານວ່າທີ່ກອງ ປະຊຸມ, ສອງຝ່າຍເຫັນດີ ສ້າງກົນໄກເຈລະຈາ ນະໂຍບາຍປ້ອງກັນຊາດໃນປີ 2019 ໂດຍໄວ, ເພີ່ມທະວີການຮ່ວມມືປ້ອງກັນຕ້ານອາດຊະຍາ ກຳຂ້າມຊາດ, ເຈລະຈາກ້າວໄປເຖິງການລົງ ນາມໃນຂໍ້ຕົກລົງກ່ຽວກັບການຫນູນຊ່ວຍເຊິ່ງ ກັນ ແລະກັນທາງອາຍາໂດຍໄວ, ຮ່ວມມືກັນ ແກ້ໄຂບັນດາບັນຫາອາດຊະກຳແບບໃໝ່ພິເສດແມ່ນການກໍ່ການຮ້າຍ ແລະອາດຊະຍາກຳຂ້າມ ຊາດ, ຄວາມປອດໄພສິ່ງແວດລ້ອມ, ແຫຼ່ງນ້ຳ. ສອງຝ່າຍມີຄວາມເຊື່ອໝັ້ນວ່າ ຈະບັນລຸຄາດ ໝາຍຍົກວົງເງິນການຄ້າສອງຝ່າຍໃຫ້ຂຶ້ນເຖິງ 1 ຕື້ໂດລາສະຫະລັດໃນໄລຍະໄວທີ່ສຸດ. ສອງ ຝ່າຍເຫັນດີຮັກສາ ແລະຊຸກຍູ້ສັນຕິພາບ, ຄວາມ ໝັ້ນຄົງ, ສະຖຽນລະພາບ, ຄວາມປອດໄພ ແລະ ຄວາມເສລີໃນການເດີນທະເລ ແລະ ການບິນ ຢູ່ທະເລຕາເວັນອອກ, ເຄົາລົບບັນດາຂໍ້ກຳນົດ ຂອງກົດໝາຍສາກົນ.

ສິ້ນສຸດກອງປະຊຸມ, ທ່ານຮອງນາຍົກ ລັດຖະມົນຕີ ລັດຖະມົນຕີການຕ່າງປະເທດ ຫວຽດນາມ ຟ້າມບີງມີງ ແລະ ທ່ານ U Kyaw Tin ລັດຖະມົນຕີກະຊວງຮ່ວມມືສາກົນ ມຽນ ມາ ໄດ້ລົງນາມໃນບົດບັນທຶກຂໍ້ຕົກລົງ ແລະ ເຫັນດີຈະຈັດຕັ້ງກອງປະຊຸມຄະນະກຳມະການ ປະສົມກ່ຽວກັບການຮ່ວມມືສອງຝ່າຍຄັ້ງທີ 10  ຢູ່ ມຽນມາໃນປີ 2021.

ນສພ ເສດຖະກິດ-ສັງຄົມ

• 14/03/2019