ຊ້ວງໂຄວິດຊື້ເຂົ້າສານໜຽວກາຈຳປາຫອມບໍລິການສົ່ງເຖິງທີ່

    ນັບເປັນຂ່າວດີສຳລັບພໍ່ແມ່ປະຊາຊົນຊາວນະຄອນຫຼວງວຽງຈັນທີ່ເວລານີ້ເຖິງພະຍາດໂຄວິດຈະລະບາດແຮງ ແລະ ແຜ່ລາມເປັນວົງກວ້າງຈົນຫຍຸ້ງຍາກໃນການລົງຕະຫຼາດຈັບຈ່າຍຊື້ສິນຄ້າຈຳເປັນໃນຊີວິດປະຈຳວັນໂດຍສະເພາະແມ່ນເຂົ້າ, ປາອາຫານການກິນຕ່າງໆແຕ່ແນວໃດກໍ່ດີຈາກສະພາບຄວາມເດືອດຮ້ອນຄືດັ່ງກ່າວ: ເວລານີ້ເຈົ້າຂອງເຂົ້າກາຈຳປາຫອມໄດ້ເປີດບໍລິການສົ່ງລູກຄ້າທີ່ຊື້ເຂົ້າກາຈຳປາຫອມນຳບໍລິສັດເຖິງທີ່ດ້ວຍລາຄາໜ້າໂຮງສີ ຫຼືຫຼຸດທ້ອງຕະຫຼາດ.

ທ່ານ ນາງ ບຸນຮຽງ ພົມມີໄຊ ຜູ້ອຳນວຍການບໍລິສັດຈຳປາປາຫອມການຄ້າຂາອອກ-ຂາເຂົ້າຈຳກັດເຈົ້າຂອງໂຮງສີເຂົ້າບຸນຮຽງເປີດເຜີຍຕໍ່ທີມຂ່າວໜັງສືພິມເສດຖະກິດ-ສັງຄົມ ພວກເຮົາວ່າ: ບໍລິສັດຂອງຂ້າພະເຈົ້າແມ່ນໄດ້ຮັບການຊຸກຍູ້ສົ່ງເສີມຈາກພັກ ແລະ ລັດຖະບານໃນການຊຸກຍູ້ສົ່ງເສີມຊາວນາປູກເຂົ້າທີ່ມີຄຸນນະພາບເພື່ອເປັນສິນຄ້າ, ເປັນບໍລິສັດຜູ້ຜະລິດ ແລະ ຈຳໜ່າຍເຂົ້າຈຳປາຫອມດ້ວຍເຄື່ອງມືທີ່ສະໄໝໃຫ້ສາມາດຕອບສະໜອງເຂົ້າປອດສານພິດໄດ້ກັບຕະຫຼາດຢູ່ພາຍໃນ ແລະ ຕ່າງປະເທດໂດຍສະເພາະແມ່ນຕະຫຼາດອີຢູ່ທີ່ບໍ່ດົນມານີ້ບໍລິສັດໄດ້ສົ່ງໄປງວດທຳອິດສຳລັບເຂົ້າລາວຈຳນວນ 50 ໂຕນ ຊຶ່ງໄດ້ສ້າງຊື່ສຽງເປັນຢ່າງຍິ່ງແກ່ປະເທດຊາດກໍ່ຄືເຂົ້າລາວໃນຕະຫຼາດສາກົນ.

    ສຳລັບຕະຫຼາດພາຍໃນບໍລິສັດກໍ່ຖືສຳຄັນມາໂດຍຕະຫຼອດ ແລະຍັງຄົງສືບຕໍ່ເອົາໃຈໃສ່ຈຳໜ່າຍໃຫ້ພຽງພໍກັບຄວາມຕ້ອງການຍິ່ງໃນທ່າມກາງສະພາບບັນຫາການລະບາດຂອງພະຍາດໂຄວິດ-19 ທີ່ຮຸນແຮງ ແລະແຜ່ເປັນວົງກວ້າງຂຶ້ນໃນຂະນະນີ້ອັນເຮັດໃຫ້ພໍ່ແມ່ປະຊາຊົນລາວໂດຍສະເພາະຊາວນະຄອນຫຼວງວຽງຈັນໄດ້ພົບກັບຄວາມຫຍຸ້ງຍາກໃນການໄປ-ມາ ກໍ່ຄືການລົງຕະຫຼາດເພື່ອຊື້ເຂົ້າໄວ້ບໍລິໂພກບໍລິສັດຈຶ່ງເປີດບໍລິການໃໝ່ໂດຍຮັບສົ່ງລູກຄ້າທີ່ຊື້ເຂົ້າໜຽວໃໝ່ກາຈຳປຫອມເກດເອອົບແຫ້ງເຖີງບ້ານເຮືອນ, ສຳນັກງານ, ອົງການດ້ວຍໃນລາຄາຕົ້ນທຶນໜ້າໂຮງສີ 85.000 ກີບຕໍ່ໝື່ນ ນອກຈາກນັ້ນຍັງມີເຂົ້າຈ້າວຈ້າວກາຈຳປາຫອມ ແລະເຂົ້າກໍ່າໂດຍພໍ່ແມ່ປະຊາຊົນທ່ານໃດຫາກສົນໃຈສາມາດຕິດຕໍ່ສັ່ງຊື້ໄດ້ທີ່ໝາຍເລກໂທລະສັບ 020 2991 7778; 020 5888 1617; 020 5858 0582.

   ແນວໃດກໍ່ດີ ທ່ານ ນາງ ບຸນຮຽງ ພົມມີໄຊ ຢໍ້າຕື່ມວ່າ: ບໍລິສັດພວກເຮົາໄດ້ດຳເນີນການສົ່ງເສີມຊາວນາໃນນະຄອນຫຼວງວຽງຈັນປູກເຂົ້າຄຸນນະພາບເປັນສິນຄ້າມາຕັ້ງແຕ່ທ້າຍປີ 2008 ໂດຍຊຸກຍູ້ຜູ້ທີ່ເປັນສະມາຊິກທີ່ປູກເຂົ້າສົ່ງໃຫ້ບໍລິສັດດ້ວຍການສະໜອງແນວພັນເຂົ້າ ແລະ ປຸ໋ຍໃຫ້ຊາວນາກ່ອນແລ້ວເກັບຄືນຕາມຫຼັງເມື່ອເກັບກ່ຽວຜົນຜະລິດສຳເລັດ; ສ່ວນການເກັບຊື້ແມ່ນໃຫ້ລາຄາສູງກວ່າທ້ອງຕະຫຼາດ 100 ກີບຕໍ່ກິໂລ ປະຈຸບັນ, ມີຊາວນາທີ່ເປັນສະມາຊິກຜະລິດລິດເຂົ້າຫຼາຍກວ່າ 600 ຄອບຄົວ ລວມເນື້ອທີ່ 600 ກວ່າເຮັກຕາ.

แชร์