ທ່ານ ອີລອນ ມັສ ແຊັມລວຍທີ່ສຸດໃນໂລກ

  ທ່ານ ອີລອນ ມັສ ຂຶ້ນເປັນມະຫາເສດຖີຮັ່ງມີທີ່ສຸດເປັນອັນດັບ 1 ຂອງໂລກ ດ້ວຍຊັບສິນມູນຄ່າ 222 ຕື້ໂດລາສະຫະລັດ.

  ຕາມຂ່າວຕ່າງປະເທດລາຍງານວ່າ: ທ່ານ ອີລອນ ມັສ ປະທານຂອງສະເປຊເອັກໄດ້ກາຍເປັນບຸກຄົນທີ່ລວຍທີ່ສຸດໃນໂລກແທນທີ່ທ່ານ ເຈຟ ເບຊອສ ຜູ້ກໍ່ຕັ້ງອາເມຊອນ ໂດຍປະຈຸບັນທ່ານ ມັສ ມີຊັບສິນສ່ວນ ຕົວຫຼາຍເຖິງ 222 ຕື້ໂດລາ, ໂດຍມູນຄ່າຊັບສິນສ່ວນຕົວຂອງອີລອນ ມັສ ເພີ່ມຂຶ້ນຢ່າງວ່ອງໄວເຖິງ 10,6 ຕື້ໂດລາ ຫຼັງຈາກຂາຍຮຸ້ນຂອງນັກລົງທຶນ ຊຶ່ງໄດ້ປະກາດໄປກ່ອນໜ້ານັ້ນ ແລະເຮັດໃຫ້ມູນຄ່າຂອງບໍລິສັດສະເປຊເອັກບັນລຸ 100 ຕື້ໂດລາ ນອກຈາກນີ້ຮຸ້ນຂອງເທສລາ ແລະຮຸ້ນສ່ວນໃຫຍ່ຂອງສະເປຊເອັກທີ່ທ່ານ ມັສຖືຢູ່ກໍ່ເຮັດໃຫ້ຊັບສິນຂອງລາວເພີ່ມຂຶ້ນອີກດ້ວຍ.

  ຊະນະທີ່ທ່ານ ເຈຟ ເບຊອສ ມີຊັບສິນມູນຄ່າ 191,6 ຕື້ໂດລາ ຕົກລົງມາເປັນອັນດັບ 2 ແລະໃນວັນທີ 11 ຕຸລາທີ່ຜ່ານມາ ຂຽນຂໍ້ຄວາມວ່າຢ່າປ່ອຍໃຫ້ໃຜບອກວາເຈົ້າເຮັດຫຍັງໄດ້ ແລະເຮັດບໍ່ໄດ້.

แชร์