ຣັດເຊຍ ກຽມທົດລອງວັກແຊງ ສະປຸດນິກວີແບບພົ່ນ

  ສະຖາບັນກາມາເລຢາ ຂອງຣັດເຊຍ ກຽມທົດລອງປະສິດທິພາບຂອງວັກແຊງສະປຸດນິກວີຊະນິດພົ່ນກັບອາສາສະໝັກຜູ້ໃຫຍ່.

 ຕາມຂ່າວຕ່າງປະເທດລາຍງານວ່າ: ສະຖາບັນວິໄຈດ້ານລະບາດວິທະຍາແຫ່ງຊາດຫລືສະຖາບັນກາມາເລຢາຜູ້ຄົ້ນຄວ້າ ແລະພັດທະນາວັກແຊງສະປຸດນິກວີ ແລະສະປຸດນິກໄລເພື່ອປ້ອງກັນການແຜ່ລະບາດຂອງພະຍາດໂຄວິດ-19 ກຽມທົດລອງປະສິດທິພາບຂອງວັກແຊງຕ້ານໂຄວິດ-19 ຊະນິດພົ່ນໃຫ້ແກ່ກຸ່ມຕົວຢ່າງຜູ້ໃຫຍ່, ເຖິງແມ່ນວ່າບໍ່ມີການລະບຸໄລຍະເວລາການທົດລອງຢ່າງເປັນທາງການແຕ່ການເຄື່ອນໄຫວດັ່ງກ່າວເກີດຂຶ້ນຫຼັງຈາກສະຖາບັນກາມາເລຢາປະກາດຄວາມຄືບ ໜ້າຂອງການທົດລອງວັກແຊງສະປຸດນິກວີແບບພົ່ນກັບກຸ່ມຜູ້ມີອາຍຸລະຫວ່າງ 8-12 ປີເມື່ອເດືອນມິຖຸນາທີ່ຜ່ານມາ.

  ວັກແຊງແບບພົ່ນດັ່ງກ່າວກໍ່ຄືວັກແຊງສະປຸດນິກວີເໝືອນເດີມພຽງແຕ່ປ່ຽນແປງວິທີການນຳເຂົ້າສູ່ຮ່າງກາຍເທົ່ານັ້ນ ແລະແຈກຢາຍໃຫ້ແກ່ປະຊາກອນໄວເດັກເມື່ອເດືອນກັນຍາຜ່ານມາ ແລະອື່ນໆ.

----

ໜັງສືພິມ ເສດຖະກິດ-ສັງຄົມ

แชร์