ພາສີແຂວງວຽງຈັນ ປະກາດການຈັດຕັ້ງ

 ພິທີປະກາດການຈັດຕັ້ງຂອງພາສີແຂວງວຽງຈັນ ຈັດຂຶ້ນວັນທີ 13 ຕຸລາ 2021 ທີ່ພະແນກການເງິນແຂວງພາຍໃຕ້ການເປັນປະທານຂອງທ່ານ ຄຳພັນ ສິດທິດຳພາ ເຈົ້າແຂວງໆວຽງຈັນໂດຍມີພາກສ່ວນກ່ຽວຂ້ອງເຂົ້າຮ່ວມ.
   ທ່ານ ນາງ ຈັນທະບູນ ໂພສະລາດ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງວຽງຈັນໄດ້ຂຶ້ນຜ່ານຂໍ້ຕົກລົງຂອງກະຊວງການເງິນ ສະບັບເລກທີ 4171/ກງ, ລົງວັນທີ 3 ກັນຍາ 2021 ວ່າດ້ວຍການແຕ່ງຕັ້ງຫົວໜ້າ ແລະຮອງຫົວໜ້າພາສີປະຈຳແຂວງວຽງຈັນ, ໂດຍແຕ່ງຕັ້ງ: ທ່ານ ທະວີໄຊ ທຳມະວົງ ຮອງຫົວໜ້າຄຸ້ມຄອງກອງພາສີ V, ຫົວໜ້າກອງກວດກາພາສີປະຈຳແຂວງວຽງຈັນ ເປັນຫົວໜ້າພາສີປະຈຳແຂວງວຽງຈັນ ແລະແຕ່ງຕັ້ງທ່ານ ບຸນທີ ອັກຄະວົງ ຮອງຫົວໜ້າດ່ານພາສີທ້ອງຖິ່ນບ້ານວັງ, ແຂວງວຽງຈັນເປັນຮອງຫົວໜ້າພາສີປະຈຳແຂວງວຽງຈັນ.
   ໂອກາດສຳຄັນນີ້ຍັງໄດ້ຮັບຟັງການໂອ້ລົມຈາກທ່ານເຈົ້າແຂວງໆວຽງຈັນ, ເຊິ່ງບາງຕອນທ່ານກ່າວວ່າ: ຄືດັ່ງທີ່ຮູ້ນຳກັນແລ້ວວ່າ: ການແຕ່ງຕັ້ງ, ຍົກຍ້າຍ ຫຼືປັບປຸງການຈັດຕັ້ງແມ່ນໜ້າທີ່ມັນແມ່ນກົດເກນແຫ່ງການຄົງຕົວ ແລະຂະຫຍາຍຕົວຂອງລະບົບການຈັດຕັ້ງນຳພາຂອງພັກ-ລັດ, ແຕ່ສູນກາງຮອດທ້ອງຖິ່ນທີ່ມີການເຄື່ອນເໜັງໄປຕາມການເວລາ, ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່, ການແຕ່ງຕັ້ງມອບໝາຍໜ້າທີ່ໃໝ່ແມ່ນມີກຽດສັກສີອັນສູງສົ່ງທີ່ສຸດສໍາລັບພວກສະຫາຍ,ເນື່ອງຈາກວ່າຜ່ານມາໄດ້ຮັບໜ້າທີ່ຂັ້ນນັ້ນມາດຽວນີ້ກໍ່ຂຶ້ນຮັບໜ້າທີ່ໃໝ່ສູງຂຶ້ນຕື່ມ ແລະເປັນການມອບໝາຍໜ້າທີ່ການເມືອງອັນໜັກໜ່ວງຂື້ນຕື່ມ.
  ເອົາໃຈໃສ່ສືບຕໍ່ວຽກງານຂອງຕົນຕາມການມອບໝາຍ ແລະເຮັດສຳເລັດໜ້າທີ່ທີ່ສຳຄັນການດຳລົງຊີວິດແບບໃໝ່ຕິດພັນກັບສະພາບຕົວຈິງເຮັດໃຫ້ວຽກງານຂອງຕົນມີຄວາມກ້າວໜ້າຂຶ້ນໄປເລື້ອຍໆ.

แชร์