ກະຊວງການເງິນເລື່ອນປິດຮັບຊໍາລະໜີ້ໂຄງການລັດ

   ເພື່ອດຳເນີນການຈັດຕັ້ງປະຕິບັດການຊຳລະໜີ້ສິນໂຄງການລົງທຶນຂອງລັດດ້ວຍຮູບແບບອວ່າຍໜີ້ສາມແຈ ແລະຮູບແບບພັນທະບັດໂດຍກົງໄລຍະ 2 ປີ 2021 ໃຫ້ສາມາດປະຕິບັດສຳເລັດຕາມແຜນການພ້ອມທັງເປັນການອຳນວຍຄວາມສະດວກໃຫ້ບັນດາບໍລິສັດ, ຜູ້ປະກອບການ ແລະຜູ້ຮັບເໝົາມີຄວາມພ້ອມ ແລະມີເງື່ອນໄຂໃນການປະ ກອບເອກະສານລວມເຖິງການມອບພັນທະຕິດພັນກັບການແກ້ໄຂໜີ້ສິນໃຫ້ຄົບຖ້ວນ,ກະຊວງການເງິນຈຶ່ງແຈ້ງການເລກທີ  5084/ກງ ລົງວັນທີ 12 ຕຸລາ 2021 ກ່ຽວກັບໄລຍະເວລາປິດຮັບເອກະສານຊຳລະໜີ້ສິນໂຄງການລົງທຶນຂອງລັດ. 

  ການເລື່ອນໄລຍະເວລາການປິດຮັບເອກະສານສະເໜີຂໍແກ້ໄຂໜີ້ສິນການລົງທຶນຂອງລັດໄລຍະ 2 ປີ 2021 ຈາກວັນທີ 30 ກັນຍາ 2021 ມາເປັນວັນທີ 30 ພະຈິກ 2021 ສຳລັບວິທີການປະກອບເອກະສານສະເໜີຂໍແກ້ໄຂໜີ້ສິນໂຄງການລົງທຶນຂອງລັດທັງສອງຮູບແບບ (ການອວ່າຍໜີ້ສາມແຈ ແລ ະອອກພັນທະບັດໂດຍກົງ) ໃຫ້ສືບຕໍ່ປະຕິບັດຕາມທີ່ໄດ້ກຳນົດໄວ້ໃນແຈ້ງການຂອງກະຊວງການເງິນ ແລະສະບັບເລກທີ 2367/ກງ, ລົງວັນທີ 7 ມິຖຸນາ 2021.

   ໃຫ້ກະຊວງ, ອົງການ ແລະທ່ອງຖິ່ນໃນນາມເຈົ້າຂອງໂຄງການເປັນເຈົ້າການແນະນຳປະກອບເອກະສານສະເໜີແກ້ໄຂໜີ້ສິນໄລຍະ 2 ໃຫ້ຖືກຕ້ອງ, ຄົບຖ້ວນ ແລະທັນເວລາ, ພ້ອມນັ້ນໃຫ້ຮີບຮ້ອນເປັນເຈົ້າການໃນການແກ້ໄຂບາງໂຄງການທີ່ຂະນະແກ້ໄຂໜີ້ສິນໄດ້ສະໂນດນຳສົ່ງຄືນໃໝ່ ແລະ ຢັ້ງຢືນຄືນສົ່ງໃຫ້ຄະນະແກ້ໄຂໜີ້ສິນ (ກົມງົບປະມານແຫ່ງລັດ) ຊຳຊ້າສຸດບໍ່ໃຫ້ກາຍວັນທີ 30 ທັນວາ 2021.

แชร์