ຮຸ້ນສ່ວນຢາງພາລາຫວຽດ-ລາວ ມອບເງິນຊ່ວຍເມືອງບາຈຽງຈະເລີນສຸກ

ຂ່າວ:  ໂພທິລາດ

  ບໍລິສັດຮຸ້ນສ່ວນຢາງພາລາຫວຽດ-ລາວ ຈໍາກັດໄດ້ປະກອບສ່ວນມອບເງິນສົດຈໍານວນ 30 ລ້ານກີບໃຫ້ແກ່ອໍານາດການປົກຄອງເມືອງບາຈຽງຈະເລີນສຸກ ແຂວງຈໍາປາສັກ ເພື່ອນໍາໃຊ້ເຂົ້າໃນວຽກງານຕ້ານ ແລະສະກັດກັ້ນການແຜ່ລະບາດຂອງພະຍາດໂຄວິດ-19 ທີ່ກໍາລະບາດໜັກໃນເມືອງດັ່ງກ່າວ.

   ພິທີມອບ-ຮັບເງິນດັ່ງກ່າວ: ໄດ້ມີຂຶ້ນໃນວັນທີ 5 ຕຸລາ 2021 ຜ່ານມາຢູ່ທີ່ຫ້ອງວ່າການເມືອງບາຈຽງຈະເລີນສຸກ ແຂວງຈໍາປາສັກ, ຊຶ່ງເປັນກຽດກ່າວຮັບໂດຍທ່ານ ປອ. ອໍານວຍ ເຮືອງວົງສາ ຮອງເຈົ້າເມືອງໆບາຈຽງຈະເລີນສຸກ, ມີບັນດາທ່ານແຂກຜູ້ໃຫຍ່ພາຍໃນເມືອງ, ທ່ານຜູ້ອໍານວຍການ ແລະຮອງຜູ້ອໍານວຍການເຂົ້າຮ່ວມ.

   ຈຸດປະສົງທີ່ບໍລິສັດຮຸ້ນສ່ວນຢາງພາລາຫວຽດ-ລາວ ຈໍາກັດ ມອບເງິນໃນຄັ້ງນີ້ກໍ່ແມ່ນເພື່ອປະກອບສ່ວນຊ່ວຍເຫຼືອດ້ານງົບປະມານໃຫ້ແກ່ເມືອງເພື່ອນໍາໃຊ້ເຂົ້າໃນວຽກງານປ້ອງກັນ, ຄວບຄຸມ ແລະຕ້ານການແຜ່ລະບາດຂອງເຊື້ອພະຍາດໂຄວິດ-19 ທີກໍາລັງແຜ່ລະບາດໜັກຢູ່ເມືອງບາຈຽງຈະເລີນສຸກ ແຂວງຈໍາປາສັກ, ເປັນການປະກອບສ່ວນທີ່ສໍາຄັນຂອງບໍລິສັດທີ່ມີມາໂດຍຕະຫຼອດ ແລະຍັງໄດ້ໃຫ້ການຊ່ວຍເຫຼືອດ້ານອື່ນໆມາໂດຍຕະຫຼອດ.

แชร์