ເຊັນບົດບັນທຶກຄວາມເຂົ້າໃຈ ສະໜອງການບໍລິການເງິນກູ້ໃຫ້ແກ່ຫ້ອງພະລາທິການ ກອງບັນຊາການ ປກສ ແຂວງສະຫວັນນະເຂດ.

ໃນວັນທີ 28 ກັນຍາ 2021, ໄດ້ຈັດພິທີເຊັນບົດບັນທຶກຄວາມເຂົ້າໃຈສະໜອງເງິນກູ້ແກ່ຫ້ອງພະລາທິການກອງບັນຊາການ ປກສ ແຂວງສະຫວັນນະເຂດຈາກທະນາຄານ ຮ່ວມທຸລະກິດ ລາວ-ຫວຽດ ຈໍາກັດ(LaoVietBank) ສາຂາສະຫວັນນະເຂດ.

ຕາງໜ້າ LaoVietBank, ໂດຍທ່ານ ຟ້າມ ວັນ ຮ່າ, ຫົວໜ້າສາຂາສະຫວັນນະເຂດ ແລະ ທ່ານ ພັນໂທ ຄຳສະໃໝ ສິດທິຊົນ, ຫົວໜ້າຫ້ອງພະລາທິການກອງບັນຊາການ ປກສ ແຂວງສະຫວັນນະເຂດ ພ້ອມດ້ວຍພະນັກງານທັງສອງຝ່າຍກໍ່ໄດ້ໃຫ້ກຽດເຂົ້າຮ່ວມ.

ຈຸດປະສົງ, ກໍ່ເພື່ອເປັນການສ້າງເງື່ອນໄຂໃຫ້ແກ່ນາຍ ແລະພົນຕໍາຫຼວດຢູ່ໃນກອງບັນຊາການ ປກສ ແຂວງສະຫວັນນະເຂດ ສາມາດເຂົ້າເຖິງແຫຼ່ງທຶນເງິນກູ້ໄດ້ຢ່າງສະດວກສະບາຍ, ສາມາດນຳໃຊ້ການບໍລິການສິນເຊື່ອ ແລະການບໍລິການອື່ນໆຂອງທະນາຄານເພື່ອສ້າງເສດຖະກິດຄອບຄົວ, ເພື່ອຍົກສູງ ແລະແກ້ໄຂຊີວິດການເປັນຢູ່ຂອງເຈົ້າໜ້າທີ່ໃຫ້ດີຂຶ້ນເທື່ອລະກ້າວ.

แชร์