ເກີດເຫດຕີກັນຢູ່ຄຸກເອກວາດໍ ເສຍຊີວິດ 116 ຄົນ

  ລັດຖະບານເອກວາດໍ ປະກາດພາວະສຸກເສີນລະບົບຄຸກທົ່ວປະເທດຫຼັງຈາກມີຜູ້ເສຍຊີວິດຢ່າງໜ້ອຍ 116 ຄົນ ຈາກນັກໂທດສອງກຸ່ມຢູ່ໃນຄຸກຕາເວັນຕົກຂອງປະເທດຕີກັນ.

  ຕາມຂ່າວຕ່າງປະເທດລາຍງານວ່າ ເກີດເຫດຕີກັນພາຍໃນ ຄຸກກາງເມືອງກົວຢາກິລ ຊຶ່ງເປັນເມືອງໃຫຍ່ສຸດ ແລະຕັ້ງຢູ່ທາງຕາວັນຕົກຂອງປະເທດໃນວັນທີ 29 ກັນຍາທີ່ຜ່ານມາເປັນການຕໍ່ສູ້ກັນລະຫວ່າງນັກໂທດສອງກຸ່ມໃຫຍ່ ຊຶ່ງເຫດຮຸນແຮງ ແລະນອງເລືອດໃນຄັ້ງນີ້ເຮັດໃຫ້ມີຜູ້ເສຍຊີວິດຢ່າງໜ້ອຍ 116 ຄົນ ແລະໄດ້ຮັບບາດເຈັບຫຼາຍສິບຄົນນັບເປັນຄວາມ ຮ້າຍແຮງທີ່ສຸດໃນປະຫວັດສາດ ຂອງເອກວາດໍ.

  ສຳນັກງານໄອຍາການ ແລະໜ່ວຍງານອື່ນໆຂອງເອກວາດໍກຳລັງສືບສວນຫາສາເຫດການຕີກັນໃນຄຸກຄັ້ງນີ້ ຊຶ່ງເປັນໜຶ່ງໃນສອງເຫດການຮ້າຍແຮງທີ່ສຸດໃນປີ 2021 ຂອງເອກວາດດໍ ຊຶ່ງປະຈຸບັນກຳລັງວິກິດດ້ານຄຸກຢ່າງຮ້າຍແຮງ.

----

ໜັງສືພິມ ເສດຖະກິດ-ສັງຄົມ

• 03/10/2021