ຫວຽດນາມ ສົ່ງອອກເກີນດູນ 500 ລ້ານໂດລາ

 ໃນເດືອນກັນຍາທີ່ຜ່ານມາ ສສ ຫວຽດນາມ ມີການສົ່ງອອກເກີນດູນປະມານ 500 ລ້ານໂດລາສະຫະລັດພາຍຫຼັງ 5 ເດືອນນຳເຂົ້າເກີນດູນຢ່າງຕໍ່ເນື່ອງ ຊຶ່ງສະແດງໃຫ້ເຫັນບັນດາສັນຍານທີ່ຕັ້ງໜ້າ.

  ຕາມຂ່າວຕ່າງປະເທດລາຍງານວ່າ ບົດລາຍງານຂອງກະຊວງອຸດ ສາຫະກຳ ແລະການຄ້າຂອງຫວຽດນາມລະບຸວ່າ, ເຖິງວ່າຖືກຜົນສະທ້ອນຢ່າງໜັກໜ່ວງຈາກໂລກລະບາດໂຄວິດ-19, ແຕ່ໄລ່ລວມ 9 ເດືອນແລ້ວວົງເງິນການສົ່ງອອກ (ຄາດວ່າບັນລຸໄດ້ 240,5 ຕື້ໂດລາ), ເພີ່ມຂຶ້ນ 18,8% ເມື່ອທຽບໃສ່ກັບໄລຍະດຽວກັນຂອງປີກາຍ, ວົງເງິນການນຳເຂົ້າສິນຄ້າ (ຄາດວ່າບັນລຸໄດ້ 242,65 ຕື້ໂດລາ), ເພີ່ມຂຶ້ນ 30,5% ເມື່ອທຽບໃສ່ໄລຍະດຽວກັນຂອງປີກາຍ, ໄລ່ລວມ 9 ເດືອນ ຕົ້ນປີ, ດູນການຄ້າສິນຄ້າຄາດວ່າ ມີການນຳເຂົ້າເກີນດູນ 2,13 ຕື້ໂດລາ.

  ຢ່າງໃດກໍ່ຕາມ, ດູນການຄ້າສິນຄ້າໃນເດືອນກັນຍາ ມີການສົ່ງອອກເກີນດູນປະມານ 500 ລ້ານໂດລາພາຍຫຼັງ 5 ເດືອນນຳເຂົ້າເກີນດູນຢ່າງຕໍ່ເນື່ອງ ຊຶ່ງສະແດງໃຫ້ເຫັນບັນດາສັນຍານທີ່ຕັ້ງໜ້າ, ມີນັກຊ່ຽວຊານຫຼາຍຄົນໄດ້ໃຫ້ຂໍ້ສັງເກດວ່າ, ນີ້ແມ່ນພື້ນຖານເພື່ອຫຼຸດລົງການນຳເຂົ້າເກີນດູນ, ອາດຈະສ້າງຄວາມດຸ່ນດ່ຽງດ້ານການຄ້າໃນປີ 2021.

----

ໜັງສືພິມ ເສດຖະກິດ-ສັງຄົມ

แชร์