ໜີ້ສາທາລະນະເຢຍລະມັນ ເພີ່ມສູງສຸດທຸບສະຖິຕິ

  ໃນໄລຍະ 6 ເດືອນຕົ້ນປີ 2021 ນີ້ ໜີ້ສາທາລະນະຂອງເຢຍລະມັນເພີ່ມຂຶ້ນສູງສຸດທຸບສະຖິຕິເຖິງ 3,6%.

  ຕາມຂ່າວຕ່າງປະເທດລາຍງານວ່າ ສຳນັກງານສະຖິຕິແຫ່ງຊາດຂອງເຢຍລະມັນເປີດເຜີຍສະຖິຕິເບື້ອງຕົ້ນວ່າໜີ້ສາທາລະນະຂອງເຢຍລະມັນ ໃນຕົ້ນປີ 2021 ນີ້ສູງຂຶ້ນ 3,6% ຫຼື 7,99 ຮ້ອຍຕື້ ເອີໂຣ ເມື່ອທຽບກັບໄລຍະທ້າຍປີ 2020 ຢູ່ທີ່ 2,25 ພັນຕື້ເອີໂຣ ຊຶ່ງສູງທຳລາຍສະຖິຕິຄັ້ງກ່ອນໃນປີ 2020 ແລະຄິດເປັນໜີ້ສາ ທາລະນະຕໍ່ຫົວຄົນຢູ່ທີ່ 27.090 ເອີໂຣ, ຊຶ່ງມາດຕະການຮັບມືກັບການແຜ່ລະບາດຂອງເຊື້ອພະຍາດໂຄວິດ-19 ເປັນສາເຫດເຮັດໃຫ້ໜີ້ຂອງເຢຍລະມັນເພີ່ມຂຶ້ນ ໂດຍສະເພາະໃນລະດັບປະເທດ.

  ໜີ້ຂອງລັດຖະບານເຢຍລະມັນ ຢູ່ທີ່ 1,48 ພັນຕື້ເອີໂຣ ເພີ່ມຂຶ້ນ 5,3% ເມື່ອທຽບກັບປີ 2020 ສ່ວນໜີ້ລະດັບລັດເພີ່ມຂຶ້ນ 0,6% ຢູ່ທີ່ 6,39 ຮ້ອຍຕື້ເອີໂຣ.

----

ໜັງສືພິມ ເສດຖະກິດ-ສັງຄົມ

แชร์