ຄາດວ່າຜູ້ນຳໃຊ້ 5ຈີ ໃນຈີນ ຈະເພີ່ມຂຶ້ນ 830 ລ້ານໜ່ວຍ

  ສະມາຄົມຜູ້ປະກອບການໂທລະສັບມືຖືສາກົນຄາດວ່າ ຍອດຜູ້ໃຊ້ 5ຈີ ໃນສປ ຈີນມີທ່າອຽງເພີ່ມສູງກວ່າ 830 ລ້ານໜ່ວຍພາຍໃນທ້າຍປີ 2025 ຖືເປັນຈຳນວນສູງສຸດໃນໂລກ.

  ຕາມຂ່າວຕ່າງປະເທດລາຍງານວ່າ ທ່ານ ຈອນ ຮອບແມນ ປະທານກຳມະການບໍລິ​ຫານ ຈີ​ເອສ​ເອັມ​ເອ (GSMA) ເປັນສະມາຄົມ​ຜູ້​ປະກອບ​ການໂທລະສັບມື​ຖື​ສາກົນກ່າວ​ວ່າ ຈຳນວນ​ອຸປະກອນປາຍທາງ​ທີ່​ເຊື່ອມ​ຕໍ່​ເຄືອຂ່າຍ 5ຈີ ​ໃນ​ຈີນ ມີ​ທ່າອຽງເພີ່ມ​ຂຶ້ນຫຼາຍກວ່າ 830 ລ້ານ​ໜ່ວຍໃນ​ທ້າຍ​ປີ 2025 ຊຶ່ງເປັນ​ຕົວເລກສູງ​ສຸດ​ໃນ​ໂລກ​ໂດຍ 5ຈີ ຈະ​ຄອງ​ອັດຕາ​ສ່ວນ​ຫຼາຍກວ່າ ໜຶ່ງ​ໃນ​ຫ້າຂອງ​ຈຳນວນ​ອຸປະກອນທີ່​ເຊື່ອມ​ຕໍ່ສັນຍານ​ທັງ​ໝົດພາຍ​ໃນ​ປີ 2025 ທຽບ​ເທົ່າ​ກັບ​ການ​ເຊື່ອມ​ຕໍ່ ​ເກືອບ 2 ພັນ​ລ້ານ​ໜ່ວຍການ​ນຳໃຊ້​ 5ຈີ ​ທາງດ້ານການ​ຄ້າໄດ້ດຳ​ເນີ​ນໄປ​ດ້ວຍ​ດີ ເນື່ອງ​ຈາກ​ເຄືອຂ່າຍ ​ແລະການບໍລິການ 5ຈີ ສາມາດ​ເຂົ້າ​ເຖິງ​ຜູ້​ບໍລິ​ໂພ​ກ ​ແລະອົງ​ກອນ​ຕ່າງໆ ທົ່ວ​ໂລກ​ຫລາຍ​ຂຶ້ນລັດຖະບານ ຈີນ ໄດ້​ໃຫ້​ຄວາມ​ສຳຄັນກ່ຽວກັບ​ການ​ນຳໃຊ້ 5ຈີ ​ແລະ ອື່ນໆ.

 ​ ຄາດ​ວ່າ ຜູ້​ປະກອບ​ການ​ໂທລະສັບ​ມື​ຖືທົ່ວ​ໂລກຈະ​ລົງທຶນບ້ວງເງິນເຖິງ 9 ​ຮ້ອຍຕື້ໂດ​ລາ​ສະຫະລັດໃນລະຫວ່າງ​ປີ 2021-2025 ໃນນັ້ນ 80% ຈະ​​ລົງທຶນເຂົ້າໃນ​5ຈີ.

-----

ໜັງສືພິມ ເສດຖະກິດ-ສັງຄົມ

แชร์