ທະນາຄານໂລກຄາດວ່າ ຈີດີພີຫວຽດນາມເຕີບໂຕ 4,8%

  ທະນາຄານໂລກຄາດຄະເນການເຕີບໂຕລວມຍອດຜະລິດຕະພັນພາຍໃນ (ຈີດີພີ) ຂອງ ສສ ຫວຽດນາມ ອາດຈະບັນລຸປະມານ 4,8% ໃນປີ 2021 ແລະກັບຄືນສູ່ລະດັບເຕີບໂຕ ຈີດີພີ ຄືໃນໄລຍະກ່ອນການເກີດໂລກລະບາດຢູ່ໃນລະດັບ 6,5-7% ນັບແຕ່ປີ 2022

  ຕາມຂ່າວຕ່າງປະເທດລາຍງານວ່າ ໃນບົດລາຍງານອັບເດດສະພາບການເສດຖະກິດອາຊີຕາເວັນອອກ ແລະປາຊີຟິກ ລະດູໃບໄມ້ຫຼົ່ນປີ 2021 ປະກາດໃນວັນທີ 28 ກັນຍາ, ທະນາຄານໂລກ (WB) ໃຫ້ຂໍ້ສັງເກດວ່າ ການເຕີບໂຕລວມຍອດຜະລິດຕະພັນພາຍໃນ (GDP) ຂອງຫວຽດນາມ ອາດຈະບັນລຸປະມານ 4,8% ໃນປີ 2021 ແລະ ກັບຄືນສູ່ລະດັບເຕີບໂຕ GDP ຄືໃນໄລຍະກ່ອນການເກີດໂລກລະບາດຢູ່ໃນລະດັບ 6,5-7% ນັບແຕ່ປີ 2022 ເປັນຕົ້ນໄປ ຊຶ່ງການຟື້ນຟູເສດຖະກິດທົ່ວໂລກຈະຮັບປະກັນໄດ້ຄວາມຕ້ອງການຢ່າງແຮງສຳລັບສິນຄ້າສົ່ງອອກຂອງຫວຽດນາມ ຢູ່ບັນດາຕະຫຼາດໃຫຍ່ຄື: ອາເມລິກາ, ສະຫະພາບເອີຣົບ ແລະ ສປ ຈີນ.

        ກ່ອນໜ້ານັ້ນ, ໃນບົດລາຍງານອັບເດດເສດຖະກິດມະຫາພາກເດືອນ ກັນຍາ, WB ໃຫ້ຂໍ້ສັງເກດວ່າ ກະແສເງິນລົງທຶນໂດຍກົງຈາກຕ່າງປະເທດ (FDI) ຢູ່ຫວຽດນາມ ໃຫ້ສະແດງໃຫ້ເຫັນຄວາມໄວ້ເນື້ອເຊື່ອໃຈເຂົ້າໃນພື້ນຖານເສດຖະກິດຍັງໄດ້ຮັບການຮັກສາ.

----

ໜັງສືພິມ ເສດຖະກິດ-ສັງຄົມ

แชร์