ກຳປູເຈຍ ເພີ່ມຄ່າແຮງງານຂັ້ນຕໍ່າຕື່ມອີກ 2 ໂດລາ

  ກຳປູເຈຍປະກາດເພີ່ມຄ່າແຮງງານຂັ້ນຕໍ່າໃນອຸດສາຫະກຳຕັດຫຍິບຕື່ມອີກ 2 ໂດລາສະຫະລັດເປັນ 194 ໂດລາຕໍ່ເດືອນ.

  ຕາມຂ່າວຕ່າງປະເທດລາຍງານວ່າ ກຳປູເຈຍປະກາດເພີ່ມຄ່າແຮງງານຂັ້ນຕໍ່າລາຍເດືອນສຳລັບແຮງງານໃນໂຮງງານແຜ່ນແພ ແລະເກີບຊຶ່ງເປັນອຸດສາຫະກຳສຳຄັນຂອງປະເທດອີກເດືອນລະ 2 ໂດລາ ເປັນ 194 ໂດລາ ຊຶ່ງຈະມີຜົນບັງຄັບໃຊ້ໃນເດືອນມັງກອນປີ 2022 ແຕ່ຕົວເລກນີ້ຍັງຕໍ່າກວ່າທີ່ບັນດາສະຫະພາບແຮງງານຮຽກຮ້ອງໃຫ້ເພີ່ມຄ່າແຮງງານຂັ້ນຕໍ່າຕື່ມອີກເດືອນລະ 12 ໂດລາສະຫະລັດ, ຂະນະທີ່ນາຍຈ້າງຈະຕ້ອງໃຊ້ເງິນເພີ່ມຂຶ້ນໃນເລື່ອງເງິນເບິ່ງແຍງສຸຂະພາບ ແລະສະ ຖານທີ່ເຮັດວຽກເພື່ອຕໍ່ຕ້ານການແຜ່ລະບາດຂອງເຊື້ອໂຄວິດລວມເຖິງເງິນທີ່ຕ້ອງໃຊ້ເດືອນລະ 4 ໂດລາຕໍ່ຄົນ ໃນການກວດຫາເຊື້ອໂຄວິດ.

  ອຸດສາຫະກຳຕັດຫຍິບຂອງກຳປູເຈຍມີມູນຄ່າ 7 ຕື້ໂດລາ ໃນໄລຍະກ່ອນການແຜ່ລະບາດຂອງເຊື້ອໂຄວິດ ແລະສ້າງລາຍໄດ້ໃຫ້ກັບຄອບຄົວຢູ່ໃນຊົນນະບົດ ໂດຍເປັນຜູ້ຜະລິດເສື້ອຜ້າຍີ່ຫໍ້ດັງເຊັ່ນ: ອາດິດາສ, ໄນ ກີ້ ແລະແກັບ.

แชร์