ຜູ້ນຳກຳປູເຈຍ ຢືນຢັນພ້ອມເຮັດໜ້າທີ່ ເປັນປະທານອາຊຽນ

  ທ່ານ ຮຸນເຊນ ຜູ້ນໍາກຳປູເຈຍ ກ່າວຕໍ່ກອງປະຊຸມສະມັກຊາສະຫະປະຊາຊາດກ່ຽວກັບຄວາມພ້ອມຂອງກຳປູເຈຍ ໃນການເຮັດໜ້າທີ່ເປັນປະທານອາຊຽນປະຈຳປີໜ້າ.

  ຕາມຂ່າວຕ່າງປະເທດລາຍງານວ່າ ທ່ານ ຮຸນເຊນ ນາຍົກລັດຖະມົນ ຕີກຳປູເຈຍ ກ່າວຖະແຫຼງຕໍ່ກອງປະຊຸມສະມັດຊາສະຫະປະຊາຊາດຄັ້ງທີ 76 ໃນທ້າຍອາທິດທີ່ຜ່ານມາ ໂດຍເປັນການບັນທຶກຄລິບໄວ້ລ່ວງໜ້າມີເນື້ອໃນສຳຄັນຕອນໜຶ່ງກ່ຽວກັບກຳປູເຈຍຈະເຮັດໜ້າທີ່ເປັນປະທານໝູນວຽນປະຈຳປີໜ້າວ່າ ລັດຖະບານກຳປູເຈຍພ້ອມເຮັດໜ້າທີ່ເປັນປະທານອາຊຽນປະເຊີນໜ້າ ແລະຜ່ານຜ່າຄວາມທ້າທາຍຮອບດ້ານ, ທັງນີ້ທ່ານ ຮຸນເຊນ ເຊື່ອວ່າຄວາມສາມັກຄີຂອງສະມາຊິກອາຊຽນທັງ 10 ປະເທດ ແລະຄວາມສະໜັບສະໜູນພັນທະມິດພາຍນອກຈະຊ່ວຍໃຫ້ປະຊາຄົມອາຊຽນສາມາດຄັບເຄື່ອນໄປຂ້າງໜ້າໄດ້ຢ່າງບໍ່ຢຸດຢັ້ງ ແລະສາມາດຮັກສາຄວາມເປັນສູນກາງຂອງພາກພື້ນທັງໃນດ້ານການຄ້າ, ການລົງທຶນ ແລະຕ່ອງໂສ້ອຸປະທານ.

  ຂະນະດຽວກັນຜູ້ນໍາກຳປູເຈຍກ່າວເຖິງການຍົກລະດັບການຄຸ້ມຄອງດ້ານສິດທິມະນຸດຕໍ່ແຮງງານຕ່າງປະເທດວ່າ ການປະຕິຮູບພະລັງງານເທິງແນວທາງສູ່ຄວາມຍືນຍົງການໃຫ້ຄວາມສະໜັບສະໜູນວິສາຫະກິດ ຂະໜາດກາງ ແລະຂະໜາດນ້ອຍ ແລະການສົ່ງເສີມບົດບາດແມ່ຍິງ ແລະເດັກນ້ອຍ.

----

ໜັງສືພິມ ເສດຖະກິດ-ສັງຄົມ

• 29/09/2021